(ମୁମ୍ବାଇ) : ଜୁନ ୧୬ ତାରିଖରେ ରିଲିଜ ହେବ ସୁପରଷ୍ଟାର ଓ ‘ବାହୁବଳୀ’ ଫେମ୍ ପ୍ରଭାସ ଓ କ୍ରିତି ସାନନଙ୍କ ଅଭିନୀତ ଫିଲ୍ମ ‘ଆଦିପୁରୁଷ’ । ଆଦିପୁରୁଷ ଫିଲ୍ମ ଦେଖିବା ପାଇଁ କାଶ୍ମିର ଫାଇଲ୍ସ ଓ କାର୍ତ୍ତିକେୟ ୨ର ପ୍ରଯୋଜକ ଅଭିଷେକ ଅଗ୍ରୱାଲ ୧୦ ହଜାର ଟିକେଟ୍ କିଣି ଦାନ କରିବେ ବୋଲି କହିଛନ୍ତି। ଏହି ଦାନ ସେ ପ୍ରଭୁ ରାମଙ୍କ ଉଦ୍ଦେଶ୍ୟରେ କରୁଥିବା ସୂଚନା ଦେଇଛନ୍ତି।
ସୂଚନାନୁଯାୟୀ , ଏହି ଟିକେଟକୁ ସେ ମାଗଣାରେ ତେଲେଙ୍ଗାନାର ବିଭିନ୍ନ ସରକାରୀ ସ୍କୁଲ, ଅନାଥ ଆଶ୍ରମ, ଜରାଶ୍ରମକୁ ପ୍ରଦାନ କରିବେ ବୋଲି ସୂଚିତ କରିଛନ୍ତି। ପ୍ରଯୋଜକ ଅଭିଷେକ ଅଗ୍ରୱାଲଙ୍କ ଏଭଳି ପଦକ୍ଷେପକୁ ବିଭିନ୍ନ ମହଲରେ ବେଶ ପ୍ରଶଂସା କରାଯାଉଛି। ରବିବାର ରାତିରେ ସିନେମା ‘ ଆଦିପୁରୁଷ’ ପାଇଁ ପାଖାପାଖି ୫୬ ହଜାର ଟିକେଟର ଆଡଭାନ୍ସ ବୁକିଂ ସରିଛି ବୋଲି ପ୍ରକାଶିତ ରିପୋର୍ଟରୁ ଜଣାପଡ଼ିଛି। ତେବେ ଏହା ଭିତରେ
