(ପୁରୀ) : ରାତି ଅନିଦ୍ରା ରହିଲେ ମହାପ୍ରଭୁ । ଶ୍ରୀମନ୍ଦିରରେ ହୋଇପାରିନି ମହାପ୍ରଭୁଙ୍କ ରାତ୍ର ପହୁଡ଼ ନୀତି । ଫଳରେ ମହାପ୍ରଭୁ ଶ୍ରୀଜଗନ୍ନାଥ ରାତି ଅନିଦ୍ରାରେ ରହିଛନ୍ତି । ବିନା ରାତ୍ରପହୁଡ଼ ନୀତିରେ ଚାଲିଛି ମହାପ୍ରଭୁଙ୍କ ଦର୍ଶନ । ଗତକାଲି ଶ୍ରୀମନ୍ଦିରରେ ନନ୍ଦୋତ୍ସବ ରାତ୍ର ଶେଷ ପ୍ରହର ଯାଏଁ ପାଳନ ଚାଲିଥିଲା । ଯାହା ଫଳରେ ଶ୍ରୀଜିଉମାନଙ୍କ ରାତ୍ରପହୁଡ଼ ନୀତି ହୋଇପାରିନାହିଁ ।
ସୂଚନାନୁଯାୟୀ , ତେବେ ବିନା ରାତ୍ରପହୁଡ଼ ନୀତିରେ ଆଜି ମହାପ୍ରଭୁଙ୍କ ଦର୍ଶନ ଚାଲିଛି । ତେବେ ଆଜି ସକାଳ ପ୍ରାୟ ଆଠଟା ସମୟରେ ମହାପ୍ରଭୁଙ୍କ ମଙ୍ଗଳଆଳତି ନୀତି ସଂପନ୍ନ ହୋଇଥିଲା। ପରେ ମହାପ୍ରଭୁଙ୍କ ଅବକାଶ ନୀତି କରାଯାଇଥିଲା଼ ପରେ ମହାପ୍ରଭୁଙ୍କର ଅନ୍ୟାନ୍ୟ ନୀତିକାନ୍ତି ଚାଲିଛି । କୃଷ୍ଣ ଜନ୍ମ ସରିବା ପରେ ମହାପ୍ରଭୁଙ୍କର ୫ ଦିନ ବେଶ ଚାଲିବ । ଶ୍ରୀମନ୍ଦିରରେ ଶ୍ରୀକୃଷ୍ଣ ଜନ୍ମ ଠାରୁ କଂସ ବଦ୍ଧ ପର୍ଯ୍ୟନ୍ତ ନୀତିକାନ୍ତି ଅନୁଷ୍ଠିତ ହୋଇଥାଏ ।
