(ମୁମ୍ବାଇ) : ଧୁମ ମଚାଉଛି ସଲମାନ ଖାନ ଏବଂ କ୍ୟାଟ୍ରିନା କୈଫଙ୍କ ଫିଲ୍ମ ‘ଟାଇଗର-3’ । ଏହି ଚଳଚ୍ଚିତ୍ରଟି ନଭେମ୍ବର ୧୨ରେ ପ୍ରେକ୍ଷାଳୟରେ ମୁକ୍ତିଲାଭ କରିଥିଲା ଏବଂ ଏହା ପ୍ରଥମ ଦିନରେ ମୋଟ ୪୪କୋଟି ଟଙ୍କାର ବ୍ୟବସାୟ କରିଥିଲା । ଏହା ପୂର୍ବରୁ ସଲମାନ ଖାନଙ୍କ ଅନେକ ଫିଲ୍ମ ଦୀପାବଳି ପୂର୍ବରୁ ସିନେମା ଘରେ ରିଲିଜ୍ ହୋଇସାରିଛି ।
ସୂଚନାନୁଯାୟୀ , ‘ଟାଇଗର 3’ ଘରୋଇ ବକ୍ସ ଅଫିସରେ 259 କୋଟି ଏବଂ ସାରା ବିଶ୍ୱରେ ୪୦୦କୋଟିରୁ ଅଧିକ ଆୟ କରିଛି। ଏହିପରିକି ଟାଇଗର-3ର ଆୟ ‘ଏକ ଥା ଟାଇଗର’ରୁ ମଧ୍ୟ ଅଧିକ । ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ ବକ୍ସ ଅଫିସରେ ‘ଏକ ଥା ଟାଇଗର’ର ମୋଟ୍ ଆୟ ୧୯୮.୭୮କୋଟି ଟଙ୍କା ଥିବା ବେଳେ ବିଶ୍ୱବ୍ୟାପୀ ଏହି ଚଳଚ୍ଚିତ୍ର ୩୨୦କୋଟି ଟଙ୍କାର ବ୍ୟବସାୟ କରିଥିଲା । ଦୀପାବଳି ଅବସରରେ ମୁକ୍ତିଲାଭ କରିଥିବା ‘ପ୍ରେମ ରତ୍ନ ଧନ ପାୟୋ’ ୩୮୯ କୋଟି ଟଙ୍କା ସଂଗ୍ରହ କରିଥିଲା।
