(ଦିଲ୍ଲୀ) : ଏଣିକି ସଂସଦକୁ ସୁରକ୍ଷା ଦେବ CISF । ସଂସଦର ସୁରକ୍ଷା ତ୍ରୁଟି ପରେ ସରକାର ବର୍ତ୍ତମାନ ସମଗ୍ର କମ୍ପ୍ଲେକ୍ସର ସୁରକ୍ଷା ଦାୟିତ୍ଵକୁ କେନ୍ଦ୍ରୀୟ ଶିଳ୍ପ ସୁରକ୍ଷା ବଳ (ସିଏସ୍ଏଫ୍) କୁ ହସ୍ତାନ୍ତର କରିବାକୁ ନିଷ୍ପତ୍ତି ନେଇଛନ୍ତି। କେନ୍ଦ୍ର ଗୃହ ମନ୍ତ୍ରଣାଳୟ ବୁଧବାର ସଂସଦ ଗୃହ କମ୍ପ୍ଲେକ୍ସର ଏକ ସର୍ଭେ କରିବାକୁ ନିର୍ଦ୍ଦେଶ ଦେଇଛି । ଯାହା ଦ୍ୱାରା” ବ୍ୟାପକ ଭିତ୍ତିରେ ସିଏସ୍ଏଫ୍ ସୁରକ୍ଷା ଏବଂ ଅଗ୍ନିଶମ ବିଭାଗର ନିୟମିତ ନିୟୋଜନ କରାଯାଇପାରିବ “।
ସୂଚନାନୁଯାୟୀ , ପୂର୍ବରୁ ସଂସଦ ସୁରକ୍ଷା ଦାୟିତ୍ୱ ଦିଲ୍ଲୀ ପୁଲିସ ହାତରେ ଥିବା ବେଳେ ଏବେ ଏହାକୁ ସିଆଇଏସ୍ଏଫ୍ଙ୍କୁ ହସ୍ତାନ୍ତର କରିବାକୁ ନିଷ୍ପତ୍ତି ନିଆଯାଇଛି। କେନ୍ଦ୍ର ସରକାରୀ ମନ୍ତ୍ରଣାଳୟର ସୁରକ୍ଷା କରୁଥିବା ସିଏସ୍ଏଫ୍ ର ସରକାରୀ ବିଲ୍ଡିଂ ସିକ୍ୟୁରିଟି (ଜିବିଏସ୍) ୟୁନିଟ୍ ର ବିଶେଷଜ୍ଞଙ୍କ ସହ ସିଏସ୍ଏଫ୍ ଅଗ୍ନିଶମ ଏବଂ ଉଦ୍ଧାର ଅଧିକାରୀ ଏବଂ ବର୍ତ୍ତମାନର ସଂସଦ ସୁରକ୍ଷା ଦଳର ଅଧିକାରୀମାନେ ଏହି ସପ୍ତାହ ଶେଷରେ ଆରମ୍ଭ କରିବେ। ଉଭୟ ନୂତନ ଏବଂ ପୁରାତନ ସଂସଦ ଏବଂ ସେମାନଙ୍କ ସହ ଜଡିତ ଅଟ୍ଟାଳିକାକୁ ସିଏସ୍ଏଫ୍ ର ବ୍ୟାପକ ସୁରକ୍ଷା କଭରରେ ଅଣାଯିବ ।
