(ମୁମ୍ବାଇ) : ଗତକାଲି ବଲିଉଡ ଅଭିନେତା ଅରବାଜ ଖାନ ସେଲିବ୍ରିଟି ମେକଅପ ଆର୍ଟିଷ୍ଟ୍ ସୁରା ଖାନଙ୍କୁ ବିବାହ କରିଛନ୍ତି । ଅଭିନେତା ୫୬ବର୍ଷ ବୟସରେ ଦ୍ୱିତୀୟ ଥର ନିଜଠୁ ୧୫ବର୍ଷ ସାନ ସୁରାଙ୍କ ସହ ବିବାହ ବନ୍ଧନରେ ବାନ୍ଧି ହୋଇଛନ୍ତି । ଏହି ଖାସ୍ ବିବାହ ଉତ୍ସବ ଅରବାଜଙ୍କ ଭଉଣୀ ଅର୍ପିତାଙ୍କ ଘରେ ଅନୁଷ୍ଠିତ ହୋଇଥିଲା। ବିବାହ ପରେ ଅରବାଜ ଏବଂ ସୁରାଙ୍କର ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ସୂଚନାନୁଯାୟୀ , ସୁରା ଖାନଙ୍କ ସହିତ ବିବାହ ପରେ ଇନଷ୍ଟାଗ୍ରାମରେ ଫଟୋ ସେୟାର କରିଥିଲେ । ଫଟୋରେ ଉଭୟ ବେଶ୍ ରୋମାଣ୍ଟିକ୍ ଅନ୍ଦାଜରେ ନଜର ଆସୁଛନ୍ତି । ବିବାହରେ ଦୁହେଁ ବେଶ୍ ସିମ୍ପଲ ଲୁକରେ ନଜର ଆସିଥିଲେ , ହେଲେ ଖୁବ ଖାସ୍ ଥିଲା ଦୁହେଁଙ୍କ ଡ୍ରେସ୍ । ସେହିପରି ପିତାଙ୍କ ଦ୍ୱିତୀୟ ବିବାହରେ ଅରବାଜ ଖାନ ଏବଂ ତାଙ୍କ ପୂର୍ବତନ ପତ୍ନୀ ମଲାଇକା ଆରୋରାଙ୍କ ପୁଅ ଅରହାନ ମଧ୍ୟ ଯୋଗ ଦେଇଥିଲେ।
