ଓଡିଶା

କୁନୋ ଜାତୀୟରେ ୫ନୂଆ ଅତିଥି

(ଦିଲ୍ଲୀ) : ଦକ୍ଷିଣ ଆଫ୍ରିକାରୁ ଆସିଥିବା ଚିତାବାଘ ଗାମିନି ମଧ୍ୟପ୍ରଦେଶର କୁନୋ ଜାତୀୟ ଉଦ୍ୟାନରେ ୫ଟି ଛୁଆ ଜନ୍ମ ଦେଇଛି। ଫଳରେ ଏହି ଉଦ୍ୟାନରେ ମୋଟ ବାଘ ସଂଖ୍ୟା ୨୬ରେ ପହଞ୍ଚିଛି ବୋଲି କେନ୍ଦ୍ର ପରିବେଶ, ଜଙ୍ଗଲ ଓ ଜଳବାୟୁ ପରିବର୍ତ୍ତନ ମନ୍ତ୍ରୀ ଭୂପେନ୍ଦ୍ର ଯାଦବ ସୂଚନା ଦେଇଛନ୍ତି।

ସୂଚନାନୁଯାୟୀ , ଆଫ୍ରିକା ମହାଦେଶର ଦକ୍ଷିଣ ଆଫ୍ରିକା ଏବଂ ନାମିବ୍ୟାରୁ ଆସିଥିବା ଚିତାଗୁଡ଼ିକ ଭାରତରେ ବର୍ତ୍ତମାନ ସୁଦ୍ଧା ୧୩ଟି ଛୁଆ ଜନ୍ମ ଦେଲେଣି। ତେବେ ପୂର୍ବରୁ ନାମିବ୍ୟା ଚିତା ଛୁଆ ଜନ୍ମ ଦେଇଥିବାବେଳେ ପ୍ରଥମ ଥର ପାଇଁ ଦକ୍ଷିଣ ଆଫ୍ରିକାରୁ ଆସିଥିବା ଚିତା ଛୁଆ ଜନ୍ମ ଦେଇଛି। ଦକ୍ଷିଣ ଆଫ୍ରିକାର ସ୍ବାଲୁ କଲାହାରି ସଂରକ୍ଷିତ ଜଙ୍ଗଲରୁ ଉକ୍ତ ଚିତାବାଘ ଗାମିନିକୁ ଭାରତ ଅଣାଯାଇଥିଲା। ନାମିବ୍ୟାରୁ ଆସିଥିବା ଚିତା ଜ୍ବାଲା ଗତବର୍ଷ ମାର୍ଚ୍ଚରେ ୪ଟି ଛୁଆ ଜନ୍ମ ଦେଇଥିଲା। କିନ୍ତୁ ସେଥିରୁ ଗୋଟିଏ ଛୁଆ ବଞ୍ଚିଥିଲା ଓ ଅତ୍ୟଧିକ ତାପମାତ୍ରା ଯୋଗୁ ୩ଟିର ମୃତ୍ୟୁ ହୋଇଥିଲା। ଚଳିତବର୍ଷ ଜାନୁଆରିରେ ଜ୍ବାଲା ୪ଟି ଛୁଆ ଜନ୍ମ ଦେଇଛି।

Related posts

ଜଙ୍ଗଲରୁ ବିଷାକ୍ତ ଛତୁ ଆଣି ଖାଇବା ମହଙ୍ଗା ପଡିଲା

mahabharatanews

ବଜେଟ୍‌କୁ ନେଇ କ୍ଷୋଭ ପ୍ରକାଶ କରିଛନ୍ତି ପୂର୍ବତନ ମୁଖ୍ୟମନ୍ତ୍ରୀ ତଥା ବିଜେଡି ସୁପ୍ରିମୋ ନବୀନ ପଟ୍ଟନାୟକ।

mahabharatanews

ନୟାଗଡରେ ଅବକାରୀ ଚଢାଉରେ ଚୋରା ଦେଶୀ ମଦ ଜବତ

mahabharatanews