ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆହ୍ୱାନ ପରେ, କେନ୍ଦ୍ର ମନ୍ତ୍ରୀ ନୀତିନ ଗଡକରୀ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛନ୍ତି। ସେ ୧୪ ଏବଂ ୧୫ ମଇରେ ମହାରାଷ୍ଟ୍ରର ପୁଣେ, ସତାରା ଏବଂ ସୋଲାପୁର ଗସ୍ତ କରିବେ। ସେ ବସ୍ ଯୋଗେ ଯାତ୍ରା କରିବେ। ତାଙ୍କ ସୁରକ୍ଷା କର୍ମୀ, କର୍ମଚାରୀ ଏବଂ ସାମ୍ବାଦିକମାନେ ତାଙ୍କ ସହିତ ବସ୍ ଯୋଗେ ଯାତ୍ରା କରିବେ। ପ୍ରଧାନମନ୍ତ୍ରୀ ମୋଦି ଦେଶରେ ଶକ୍ତି ସୁରକ୍ଷା ଏବଂ ଇନ୍ଧନ ସଂରକ୍ଷଣ ପାଇଁ ଆହ୍ୱାନ ଦେଇଛନ୍ତି। ତେଣୁ, ଅଧିକାରୀ, ସାମ୍ବାଦିକ ଏବଂ ସୁରକ୍ଷା କର୍ମୀଙ୍କ ସହିତ କେନ୍ଦ୍ରମନ୍ତ୍ରୀ ବସ୍ ଯୋଗେ ଯାତ୍ରା କରିବାକୁ ନିଷ୍ପତ୍ତି ନେଇଛନ୍ତି, ଯାହା ଟ୍ରାଫିକ୍ ପରିଚାଳନା ଏବଂ ଜନସାଧାରଣଙ୍କ ସୁବିଧାକୁ ଉନ୍ନତ କରିବ।
ମନ୍ତ୍ରଣାଳୟ ପୁନେ, ସତାରା ଏବଂ ସୋଲାପୁରର ଜିଲ୍ଲା କଲେକ୍ଟର ଏବଂ ପୋଲିସ ଅଧୀକ୍ଷକମାନଙ୍କୁ ଚିଠି ଲେଖି ଯାତ୍ରା ସମୟରେ କନଭୟରେ ଗାଡ଼ି ସଂଖ୍ୟା ୫୦% ହ୍ରାସ କରିବାକୁ ଅନୁରୋଧ କରିଛନ୍ତି କେନ୍ଦ୍ର ପରିବହନ ମନ୍ତ୍ରୀ ନିତୀନ ଗଡକରୀ । ଗଡ଼କରୀ କେବଳ ବସରେ ଯାତ୍ରା କରିବେ ନାହିଁ, ବରଂ ତାଙ୍କ ସୁରକ୍ଷା ପାଇଁ ନିୟୋଜିତ ହେଉଥିବା ଗାଡ଼ି ସଂଖ୍ୟାକୁ ୫୦ ପ୍ରତିଶତ କମାଇବାକୁ ପୁଣେ, ସାତାରା ଏବଂ ସୋଲାପୁର ଜିଲ୍ଲା ପ୍ରଶାସନ ତଥା ପୋଲିସକୁ ନିର୍ଦ୍ଦେଶ ଦେଇଛନ୍ତି। ସାଧାରଣତଃ ଜଣେ କେନ୍ଦ୍ରମନ୍ତ୍ରୀଙ୍କ କାରକେଡରେ ଅନେକ ଗାଡ଼ି ରହିଥାଏ, ଯାହାକୁ ଏବେ ଅଧା କରିଦିଆଯାଇଛି।
ନିଷ୍ପତ୍ତି ପଛର ମୁଖ୍ୟ ଉଦ୍ଦେଶ୍ୟମନ୍ତ୍ରୀଙ୍କ କାର୍ୟ୍ୟାଳୟ ପକ୍ଷରୁ ଜାରି କରାଯାଇଥିବା ସୂଚନା ଅନୁଯାୟୀ, ଏହି ନିଷ୍ପତ୍ତିର ତିନୋଟି ମୁଖ୍ୟ କାରଣ ହେଉଛି ରାଷ୍ଟ୍ରୀୟ ଶକ୍ତି ସୁରକ୍ଷା: ପେଟ୍ରୋଲ ଏବଂ ଡିଜେଲର ବ୍ୟବହାର କମାଇ ଦେଶର ବିଦେଶୀ ମୁଦ୍ରା ସଞ୍ଚୟ କରିବା ।ଟ୍ରାଫିକ ବ୍ୟବସ୍ଥା: ବଡ଼ ଭିଆଇପି କାରକେଡ ଯୋଗୁଁ ରାସ୍ତାରେ ସାଧାରଣ ଯାତ୍ରୀମାନେ ଯେଉଁ ଟ୍ରାଫିକ ଜାମର ସମ୍ମୁଖୀନ ହୁଅନ୍ତି, ତାହାକୁ ରୋକିହେବ। ପରିବେଶ ସୁରକ୍ଷା: କମ୍ ଗାଡ଼ି ଚାଲିଲେ ପ୍ରଦୂଷଣ ମଧ୍ୟ କମ୍ ହେବ । ପ୍ରଧାନମନ୍ତ୍ରୀଙ୍କ ଆହ୍ୱାନ ଆମ ଦେଶର ଉନ୍ନତ୍ତି ପାଇଁ ଉଦ୍ଦିଷ୍ଟ। ଆମକୁ ସାଧାରଣ ପରିବହନ ବ୍ୟବସ୍ଥାକୁ ଆପଣାଇବାକୁ ହେବ। ମୁଁ ନିଜେ ବସରେ ଯାଇ ଏହି ଅଭିଯାନର ଶୁଭାରମ୍ଭ କରୁଛି।’ବୋଲି ନିତୀନ ଗଡକରୀ କହିଛନ୍ତି ।
