ବରଗଡ଼ ପୋଲିସକୁ ବଡ଼ ସଫଳତା, ଧରା ପଡିଲେ ଲୁଟେରା ଗ୍ୟାଙ୍ଗ

(ଚିତ୍ତରଞ୍ଜନ ସାହୁ/ବରଗଡ଼): ବରଗଡ଼ ସହର ସମେତ ଜିଲ୍ଲାର ବିଭିନ୍ନ ସ୍ଥାନରେ ଗତ କିଛିଦିନ ହେଲା ଚୋରି, ଲୁଟ୍ ପରି ଆତଙ୍କ ଖେଳାଇଥିବା ଏକ ଡକାୟତ୍ ଗ୍ୟାଙ୍ଗକୁ ପୋଲିସ ଧରିବାରେ ସକ୍ଷମ ହୋଇଛି। ପୋଲିସ୍ ଉକ୍ତ ଗ୍ୟାଙ୍ଗର ୫ ଅଭିଯୁକ୍ତଙ୍କୁ ଗିରଫ କରିଛି । ସେମାନେ ହେଲେ, ବରଗଡ଼ ଟାଉନ ଥାନା ଅନ୍ତର୍ଗତ ବରଗଡ଼ ଡ୍ୟାମ କଲୋନୀର ମଗଶିର ମହାନନ୍ଦ, ରାଜା ହାତୀ ଓରଫ ଗୋଲୁ, ପ୍ରଧାନପାଲିର କିଶୋର ମେହେର, ରୋହିତ ମେହେର ଏବଂ ବିଜେ ବାଗ । ସେମାନଙ୍କଠାରୁ ୪ଟି ଚାରି ଚକିଆ ଗାଡ଼ି, ଗୋଟିଏ ସୁନା ଚେନ, ୧୮ଟି ମୋବାଇଲ, ୨ଟି ବାଇକ, ୨ଟି ଛୁରି, ନଗଦ ୪୮୦୦ ଟଙ୍କା ଆଦି ଜବତ ହୋଇଛି । ଏନେଇ ଗୁରୁବାର ଜିଲ୍ଲା ପୋଲିସ ମୁଖ୍ୟାଳୟରେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ଏସପି ପଦ୍ମିନୀ ସାହୁ ଏହି ସୂଚନା ଦେଇଛନ୍ତି । ସାମ୍ବାଦିକ ସମ୍ମିଳନୀରେ ଅନ୍ୟମାନଙ୍କ ମଧ୍ୟରେ ଟାଉନ ଥାନା ଆଇଆଇସି ସଦାନନ୍ଦ ପୂଜାହାରୀ, ସବ ଇନ୍ସପେକ୍ଟର ସୌମ୍ୟକାନ୍ତ ବଳିୟାର ସିଂ ପ୍ରମୁଖ ଉପସ୍ଥିତ ଥିଲେ।