ମିଳିଲା ନିଖୋଜ ଆଇନଜୀବୀଙ୍କ ମୃତଦେହ । ତିନିମାସରୁ ଅଧିକ ସମୟ ଧରି ନିଖୋଜ ରହିବା ପରେ ଏବେ ଗୁଲେଶ ଗୋଚ୍ଛାୟତ ନାମକ ଆଇନଜୀବୀଙ୍କ ମୃତଦେହ ମୟୂରଭଞ୍ଜ ଜିଲ୍ଲାର ଝାରପୋଖରିଆ ଥାନା ଅନ୍ତର୍ଗତ ସିଲଫୋଡି ଗାଁରେ ଏକ ବନ୍ଦ କାର ଭିତରେ ମିଳିଛି। ସେ ବିସୋଇର ଥୁଲୁକଚଟାନି ଗାଁର ବାସିନ୍ଦା, ସେପ୍ଟେମ୍ବର ୧୧ ତାରିଖରୁ ତାଙ୍କୁ ଖୋଜାଖୋଜି କରାଯାଉଥିଲା। ସ୍ଥାନୀୟ ଲୋକମାନେ ପୋଖରୀରେ କାରଟି ପଡ଼ିଥିବା ଦେଖି ପୋଲିସକୁ ଖବର ଦେବା ପରେ ଘଟଣାଟି ଜଣାପଡ଼ିଥିଲା। ପ୍ରାଥମିକ ତଦନ୍ତରୁ ଜଣାପଡିଛି ଯେ ସେ ପଶ୍ଚିମବଙ୍ଗରେ ଜଣେ ବନ୍ଧୁଙ୍କୁ ଛାଡ଼ିବାକୁ ଯାଇଥିଲେ । ତାଙ୍କ ମୃତ୍ୟୁର ସଠିକ୍ କାରଣ ଏପର୍ୟ୍ୟନ୍ତ ସ୍ପଷ୍ଟ ହୋଇନାହିଁ।
ସକାଳେ ଉପରବେଡା ଗାଁର ସିଲଫୋଡିରେ ରାସ୍ତା ପାର୍ଶ୍ୱରେ ପୋଖରୀରେ ଏକ ଆଂଶିକ ବୁଡ଼ିଯାଇଥିବା ଗାଡ଼ି ସ୍ଥାନୀୟ ଲୋକମାନେ ଦେଖି ପୋଲିସକୁ ଖବର ଦେଇଥିଲେ। ସୂଚନା ପାଇବା ମାତ୍ରେ ସ୍ଥାନୀୟ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି କାରଟିକୁ ଉଦ୍ଧାର କରିଥିଲେ। ପରେ କାରରୁ ମୃତଦେହ ଉଦ୍ଧାର କରାଯାଇଥିଲା ଏବଂ ବ୍ୟକ୍ତିଙ୍କୁ ବିସୋଇର ୪୨ ବର୍ଷୀୟ ଗୁଲେଶ ଗୋଚ୍ଛାୟତ ଭାବରେ ଚିହ୍ନଟ କରାଯାଇଥିଲା। ଅନ୍ୟପକ୍ଷରେ, ପୋଲିସ ଘଟଣାର ତଦନ୍ତ ଆରମ୍ଭ କରିଛି। ଗୁଲେଶ ସେପ୍ଟେମ୍ବର ୧୧ ତାରିଖରେ ନିଖୋଜ ହୋଇଯାଇଥିଲେ ଏବଂ ତାଙ୍କ ପରିବାର ଅଭିଯୋଗ କରିଥିଲେ। ସେ ଜଣେ ବନ୍ଧୁଙ୍କୁ ଛାଡ଼ି ଖଡ଼ଗପୁରରୁ ଫେରୁଥିବା ଜଣାପଡ଼ିଛି। ଗୁଲେଶ ସେପ୍ଟେମ୍ବର ମାସରୁ ନିଖୋଜ ଥିଲେ। ପରିବାର ଅନେକ ଦିନ ଧରି ତାଙ୍କ ସହିତ ଯୋଗାଯୋଗ କରିପାରି ନଥିବାରୁ ତାଙ୍କ ସ୍ତ୍ରୀ ବିସୋଇ ପୋଲିସରେ ନିଖୋଜ ଅଭିଯୋଗ କରିଥିଲେ।
