ମୁମ୍ବାଇ : ୨୦୨୨ ରେ ପଞ୍ଜାବ କିଙ୍ଗସ୍ ଏବଂ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ମଧ୍ୟରେ ମ୍ୟାଚ୍ ଶୁକ୍ରବାର ଅନୁଷ୍ଠିତ ହୋଇଥିଲା। ମୁମ୍ବାଇର ବ୍ରାବୋର୍ଣ୍ଣ ଷ୍ଟାଡିୟମରେ ଉଭୟ ଦଳ ମୁହାଁମୁହିଁ ହୋଇଥିଲେ। ଏହି ମ୍ୟାଚରେ ପଞ୍ଜାବର ବିଶାଳ ବିଜୟ ଲକ୍ଷ୍ୟକୁ ହାସଲ କରିପାରିନଥିଲା ବାଙ୍ଗାଲୋର । ଆଉ ଏହି ପରାଜୟ ସହ ଗୁଜୁରାଟ ବିପକ୍ଷ ମ୍ୟାଚ୍ ବାଙ୍ଗାଲୋର ପାଇଁ କର ବା ମର ପରିସ୍ଥିତି ସୃଷ୍ଟି କରିଛି । ତେବେ ଗତକାଲି ଖେଳାଯାଇଥିବା ମ୍ୟାଚଟିରେ ଭିନ୍ନ ଏକ ଦୃଶ୍ୟ ଦେଖିବାକୁ ମିଳିଥିଲା । ମ୍ୟାଚରେ ଏକ ବିଲେଇକୁ ଦେଖିବାକୁ ମିଳିଥିଲା । ଆଉ ଉକ୍ତ ବିଲେଇଟି ସାଇଟ ସ୍କିନରେ ବସିଥିଲା, ଯେଉଁଥିପାଇଁ କିଛି ସମୟ ପାଇଁ ମ୍ୟାଚରେ ବାଧା ସୃଷ୍ଟି ହୋଇଥିଲା ।
ଏହି ପୂରା ଘଟଣା ଆରସିବି ଇନିଂସର ପ୍ରଥମ ଓଭରରେ ଘଟିଥିଲା। ଉଭୟ ଡୁ-ପ୍ଲେସିସ ଓ କୋହଲି କ୍ରିଜରେ ଥିବା ବେଳେ ସାଇଟ ସ୍କ୍ରିନରେ ବସିଥିଲା ଏକ କଳା ବିଲେଇ । ଏହାକୁ ଦେଖି ପ୍ଲେସିସ୍ ସମ୍ପୂର୍ଣ୍ଣ ଆଶ୍ଚର୍ଯ୍ୟ ହୋଇଗଲେ। ଯାହା ବାବଦରେ ଅମ୍ପାୟରଙ୍କୁ ଅବଗତ କରିଥିଲେ ଡୁପ୍ଲେସିସ । ମ୍ୟାଚ୍ କିଛି ସେକେଣ୍ଡ ପାଇଁ ଅଟକିଥିଲା । ତେବେ ଷ୍ଟାଡିୟମ କର୍ମଚାରୀ ବିଲେଇଟକୁ ଘଉଡାଇବା ପରେ ପୁଣିଥରେ ଆରମ୍ଭ ହୋଇଥିଲା ମ୍ୟାଚ୍ । ବିଲେଇ ସହ ଜଡିତ ଏହି ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
— Varma Fan (@VarmaFan1) May 13, 2022
