ଯାଜପୁର ଜିଲ୍ଲା ଦାନଗଦି ବ୍ଲକ ଜଖପୁରା ରେଳ ଷ୍ଟେସନ ନିକଟରେ ଲାଇନଚ୍ୟୁତ ହୋଇଛି ଚେନ୍ନାଇ ସେଣ୍ଟ୍ରାଲ ଏକ୍ସପ୍ରେସ୍ । ଲାଇନଚ୍ୟୁତ ହୋଇ ଟ୍ରାକ୍ରୁ ୩ଟି ବଗି ଖସି ପଡ଼ିଛି । ଟ୍ରେନର ଇଂଜିନ ଓ ଲଗେଜ୍ ଭ୍ୟାନ୍ ଛାଡ଼ି ଅନ୍ୟ ୩ ବଗି ଟ୍ରାକ୍ରୁ ଖସିଛି । ଉଦ୍ଧାର ପାଇଁ ଭଦ୍ରକରୁ ଯାଇଛି ଗୋଟିଏ ରେସକ୍ୟୁ ଟିମ୍ । ଲାଇନଚ୍ୟୁତ ସମୟରେ ଏମଜିଆର ଚେନ୍ନାଇ ସେଣ୍ଟ୍ରାଲ ନ୍ୟୁ ଜଲପାଇଗୁଡ଼ି ଏକ୍ସପ୍ରେସ୍ ଧୀର ଗତିରେ ଚାଲୁଥିଲା । ଟ୍ରେନର ଗୋଟିଏ ଶୀତତାପ ନିୟନ୍ତ୍ରିତ (AC) କୋଚ୍ ଏବଂ ଦୁଇଟି ଜେନେରାଲ କୋଚ୍ ଲାଇନଚ୍ୟୁତ ହୋଇଥିଲା । ସୌଭାଗ୍ୟବଶତଃ ଏହି ଘଟଣାରେ କୌଣସି ଯାତ୍ରୀ ଆହତ ହୋଇନଥିବା ସୂଚନା ମିଳିଛି । ଟ୍ରେନ୍ ଦୁର୍ଘଟଣା ଲାଗି ଉକ୍ତ ରୁଟ୍ରେ ଟ୍ରେନ୍ ଚଳାଚଳ ବାଧାପ୍ରାପ୍ତ ହୋଇଛି । ଯାତ୍ରୀଙ୍କ ଅସୁବିଧାକୁ ନଜରରେ ରଖି ଟୋଲ୍ ଫ୍ରି ନମ୍ବର (8114382367) ଜାରି କରାଯାଇଛି ।
/odishatv/media/media_files/2026/02/05/chennai-new-jalpaiguri-express-derails-in-odishas-jajpur-2026-02-05-10-42-28.jpeg)
