ଚାଲିଛି ରାଜ୍ୟସଭା ନିର୍ବାଚନ ଲାଗି ମତଦାନ । ବିଧାନସଭାର ୫୪ ନମ୍ବର ରୁମରେ ଚାଲିଛି ଭୋଟିଂ। ୪ଟି ରାଜ୍ୟସଭା ଆସନରେ ୫ ପ୍ରାର୍ଥୀ ଙ୍କ ଚାଲିଛି ଲଢେଇ । କାହାର ହେବେ ରାଜ୍ୟସଭା ଆସନ, କିଏ ମାରିବ ବାଜି ସେ ନେଇ ବଢୁଛି ଉତ୍କଣ୍ଠା । ସକାଳ ୯ଟାରୁ ଆରମ୍ଭ ହୋଇଥିବା ମତଦାନ ଅପରାହ୍ଣ ୪ଟା ପର୍ଯ୍ୟନ୍ତ ଚାଲିବ । ଅପହରାହ୍ଣ ୫ଟାରେ ଭୋଟ ଗଣତି ହେବ । ରାଜ୍ୟସଭା ନିର୍ବାଚନ ରଣାଙ୍ଗନରେ ଅବତୀର୍ଣ୍ଣ ହୋଇଥିବା ୫ ପ୍ରାର୍ଥୀ ୪ଟି ଆସନରେ ନିଜ ଭାଗ୍ୟ ପରୀକ୍ଷା କରୁଛନ୍ତି ।
ମତଦାନ ଆରମ୍ଭରୁ ପ୍ରଥମ ଭୋଟ ଦେଇଛନ୍ତି ସ୍ବାସ୍ଥ୍ୟ ମନ୍ତ୍ରୀ ମୁକେଶ ମହାଲିଙ୍ଗ । ତେବେ ବ୍ରହ୍ମଗିରି ବିଧାୟିକା ଉପାସନା ମହାପାତ୍ରଙ୍କ ଭୋଟ କୁ ନେଇ ଦେଖାଦେଇଛି ବିବାଦ । ଓଭର ରାଇଟିଙ୍ଗ ପାଇଁ ଦେଖାଦେଇଛି ବିବାଦ । ଭୋଟ ଦେବାପାଇଁ ଲେଖା ଯାଉଥିବା ପେନ ନଚାଲିବାରୁ ଆଉ ଗୋଟେ ବାଲଟ ପେପର ମାଗିଥିଲେ ଉପାସନା । ତେବେ ଏହାକୁ ବିରୋଧ କରିଥିଲେ ଉଭୟ ବିଜେଡି ଓ କଂଗ୍ରେସ ବିଧାୟକ । ଫଳରେ କିଛି ସମୟ ପାଇଁ ମତଦାନ ପ୍ରକ୍ରିୟା ବାଧାପ୍ରାପ୍ତ ହୋଇଥିଲା ।
