ଲଜ୍ଜା: ନାବାଳିକା ଝିଅକୁ ବାପାର ଦୁଷ୍କର୍ମ ଉଦ୍ୟମ

ଭୁବନେଶ୍ୱର/ସରୋଜ ରାଉତ: ପୁଣି ରାଜଧାନୀରେ ଲଜ୍ଜା । ନାବାଳିକାକୁ ଦୁଷ୍କର୍ମ ଉଦ୍ୟମ । ଦୁଷ୍କର୍ମ ଉଦ୍ୟମ କରିଛି ନିଜ ଜନ୍ମକଲା ବାପା । ବାରମ୍ବାର ନିଶାସକ୍ତ ଅବସ୍ଥାରେ ନାବାଳିକା ଝିଅକୁ ଦୁଷ୍କର୍ମ କରିବାକୁ କରୁଛି ଉଦ୍ୟମ । ଏପରି ଲଜ୍ଜାଜନକ ଘଟଣା ଘଟିଛି ଖୋଦ ରାଜଧାନୀରେ । ରାଜଧାନୀର ନୟାପଲ୍ଲୀ ଥାନା ଅଧୀନରେ ଏହି ଘଟଣା ଘଟିଛି । ବାପାର ଏପରି କୁକର୍ମକୁ ନେଇ ଶେଷରେ ପୁଲିସର ଦ୍ୱାରସ୍ଥ ହୋଇଛନ୍ତି ପୀଡିତା ନାବାଳିକା ଓ ତାର ମା’ ।
ନୟାପଲ୍ଲୀ ଥାନା ଅଧୀନରେ ଥିବା ଜଣେ ବ୍ୟକ୍ତି ତାଙ୍କ ନାବାଳିକା ଝିଅକୁ ବାରମ୍ବାର ଦୁଷ୍କର୍ମ କରିବାକୁ ଉଦ୍ୟମ କରୁଥିବା ଅଭିଯୋଗ ହୋଇଛି । ଏହାକୁ ନେଇ ନାବାଳିକା ଓ ତାର ମା’ ଆଜି ନୟ।।ପଲ୍ଲୀ ଥାନାର ଦ୍ୱାରସ୍ଥ ହୋଇଥିଲେ । କିନ୍ତୁ ସେମାନଙ୍କ ଅଭିଯୋଗକୁ ପୁଲିସ ରୁଜୁ ନ କରି ଆପୋଷ ବୁଝାମଣା କରିବାକୁ ମା’ ଝିଅଙ୍କ ଉପରେ ଚାପ ପକାଉଥିବା ଅଭିଯୋଗ କରିଛନ୍ତି ପୀଡିତାର ମା’ । ଅନ୍ୟ ପଟେ ସ୍ୱାମୀଠାରୁ ସେମାନଙ୍କ ଜୀବନ ପ୍ରତି ବିପଦ ଥିବା ମହିଳା ବାରମ୍ବାର ଥ।।ନାରେ କହିବା ସତ୍ତେ୍ୱ ତାଙ୍କ ଭୟାତୁର ନିବେଦନକୁ ଶୁଣୁନାହିଁ ପୁଲିସ ।
ରାଜ୍ୟରେ ସମ୍ପ୍ରତି ଦୁଷ୍କର୍ମ ସଂଖ୍ୟା ଜାତୀୟ ସ୍ତରରେ ଚିନ୍ତାର କାରଣ ହୋଇଛି । ଯେଉଁ ସଂଖ୍ୟା ସାମ୍ନାକୁ ଆସୁଛି ତାଠାରୁ ବହୁ ଅଧିକ ଘଟୁଛି ଦୁଷ୍କର୍ମ । କେଉଁଠି ଭୟରେ ତ ପୁଣି କେଉଁଠି ଲୋକଲଜ୍ଜାକୁ ନେଇ ଏପରି ଲଜ୍ଜାଜନକ ଘଟଣାକୁ ନେଇ ଅଭିଯୋଗ ହେଉନାହିଁ । ହେଲେ ଏଠାରେ ନାବାଳିକା ଓ ତାର ମା ସାହସ କରି ଥାନାର ଦ୍ୱାରସ୍ଥ ହୋଇଥିବା ବେଳେ କିନ୍ତୁ ଥାନାବାବୁ ଆପୋଷ ବୁଝାମଣା ଉପରେ ଗୁରୁତ୍ୱ ଦେଇ କେଶ ରୁଜୁ କରୁ ନାହାନ୍ତି । ଯଦି ନାବାଳିକାଙ୍କ ମା’ଙ୍କ ଆଶଙ୍କା ସତ ହୁଏ ଓ ମଦ୍ୟପ ସ୍ୱାମୀ ତାଙ୍କୁ ଓ ତାଙ୍କ ଝିଅର କିଛି କ୍ଷତି କରେ ବା ମାରି ଦିଏ ଏଥିପାଇଁ କଣ ପୁଲିସ ପ୍ରଶାସନ ଦାୟୀ ରହିବ?