(ଦିଲ୍ଲୀ): ନୂଆଦିଲ୍ଲୀ ପ୍ରଗତି ମୈଦାନର ଭାରତ ମଣ୍ଡପଠାରେ ଜି-୨୦ ଶିଖର ସମ୍ମିଳନୀ ଅବସରରେ ଏକ ହସ୍ତଶିଳ୍ପ ପ୍ରଦର୍ଶନୀ ଓ ବିକ୍ରି ମେଳା ଆୟୋଜନ କରାଯିବ। ଏହା ଆସନ୍ତା ୮ରୁ ୧୦ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବ ବୋଲି ସୂଚନା ମିଳିଛି । ସବୁଠାରୁ ବଡ କଥା ହେଉଛି ଏଥିରେ ଓଡିଶାର ପଟ୍ଟଚିତ୍ର କଳା ପ୍ରଦର୍ଶନୀ ଏବଂ ବିକ୍ରି ପାଇଁ ବ୍ୟବସ୍ଥା କରାଯିବ।
ସୂଚନାନୁଯାୟୀ , ଏହି ହସ୍ତଶିଳ୍ପ ମେଳାରେ ଦେଶର ବିଭିନ୍ନ ପ୍ରାନ୍ତରୁ ହସ୍ତଶିଳ୍ପ ସାମଗ୍ରୀ ପ୍ରଦର୍ଶିତ ହେବ। ବିଶେଷ କରି ଜିଆଇ ଟ୍ୟାଗ ପ୍ରାପ୍ତ ସାମଗ୍ରୀ, ମହିଳା ଓ ଆାଦିବାସୀ କାରିଗରଙ୍କ ଦ୍ବାରା ପ୍ରସ୍ତୁତ ସାମଗ୍ରୀ ଏଠାରେ ପ୍ରଦର୍ଶିତ ହେବ। ଯେଉଁଥିରେ ସମ୍ମିଳନୀକୁ ଆସିଥିବା ଅତିଥି କିଣିବାର ସୁଯୋଗ ପାଇବେ । ପୁରୁଣା ସୂତା କପଡା, ସୂତା ଶାଢୀ, ଟସର ରେଷମ ଉପରେ ପଟ୍ଟଚିତ୍ର କଳା ଅଙ୍କା ଯାଇଥାଏ।
