(ମୁମ୍ବାଇ) : ସାଉଥ ସିନେମାର ସୁପରଷ୍ଟାର ମହେଶ ବାବୁଙ୍କ ଆକ୍ସନ୍ ଥ୍ରୀଲର ଫିଲ୍ମ ‘ଗୁଣ୍ଟୁର କାରମ’ ୨୦୨୪ ବର୍ଷ ଆରମ୍ଭରୁ ରିଲିଜ ହୋଇଥିବାବେଳେ ଏବେ ଓଟିଟିରେ ରିଲିଜ ହର୍ବ ବୋଲି ସୂଚନା ମିଳିଛି । ଯାହା ପରେ ଦର୍ଶକଙ୍କ ମନରେ ଖୁସିର ଲହରୀ ଖେଳିଯାଇଛି । ସିନେମାଟି ବିପୁଳ ରୋଜଗାର କରିଥିବାବେଳେ ଖୁବ ଶୀଘ୍ର ଏହି ଚଳଚ୍ଚିତ୍ରଟି ଓଟିଟିରେ ଲଞ୍ଚ ହେବାକୁ ଯାଉଛି।
ସୂଚନାନୁଯାୟୀ , ତ୍ରିଭିକ୍ରମ ଶ୍ରୀନିବାସଙ୍କ ନିର୍ଦ୍ଦେଶିତ ‘ଗୁଣ୍ଟୁର କାରମ’ ଜାନୁଆରୀ ୧୨, ୨୦୨୪ରେ ପ୍ରେକ୍ଷାଳୟରେ ମୁକ୍ତିଲାଭ କରିଥିଲା। । ମହେଶ ବାବୁଙ୍କ ଏହି ଫିଲ୍ମ ବକ୍ସ ଅଫିସରେ ଭଲ ବ୍ୟବସାୟ କରିଥିଲା। ୨୪ ଦିନ ପରେ ମଧ୍ୟ ଫିଲ୍ମ ପ୍ରେକ୍ଷାଳୟରେ ଧମାଲ କରୁଛି । ତେବେ ଯଦି ଆପଣ ଏହାକୁ ବଡ ପରଦାରେ ଦେଖିପାରିନାହାନ୍ତି, ତେବେ ଚିନ୍ତା କରିବାର କୌଣସି କାରଣ ନାହିଁ। କାରଣ ଭାଲେଣ୍ଟାଇନ୍ ସପ୍ତାହରେ ଫିଲ୍ମଟି ଓଟିଟିରେ ରିଲିଜ୍ ହେବାକୁ ଯାଉଛି।
