(ଉତ୍ତରାଖଣ୍ଡ) : ଦେଶର ଅନେକ ରାଜ୍ୟରେ ମୌସୁମୀ ପହଞ୍ଚିଥିବା ବେଳେ ପ୍ରବଳ ବର୍ଷା ଯୋଗୁଁ ସାଧାରଣ ଜନଜୀବନ ବାଧାପ୍ରାପ୍ତ ହୋଇଛି। ବିଶେଷକରି ଦେବଭୂମି ଉତ୍ତରାଖଣ୍ଡର ଅନେକ ଜିଲ୍ଲାରେ ପ୍ରବଳ ବର୍ଷା ଜାରି ରହିଛି । ଆଗାମୀ କିଛି ଦିନ ପର୍ଯ୍ୟନ୍ତ ଉତ୍ତରାଖଣ୍ଡର ବିଭିନ୍ନ ସ୍ଥାନରେ ପ୍ରବଳ ବର୍ଷା ଲାଗି ରହିବ । ଏଥିପାଇଁ ଭାରତୀୟ ପାଣିପାଗ ବିଭାଗ ଅରେଞ୍ଜ ଆଲର୍ଟ ଜାରି କରିଛି। ଏଣୁ ପର୍ଯ୍ୟଟକମାନଙ୍କ ପାଇଁ ସତର୍କତା ଜାରି କରାଯାଇଛି । ଚମୋଲି ଜିଲ୍ଲାରେ ପ୍ରବଳ ବର୍ଷା ଯୋଗୁଁ ଭୂସ୍ଖଳନ ଆରମ୍ଭ ହୋଇଛି।
ସୂଚନାନୁଯାୟୀ , ଗୁରୁବାର ପ୍ରବଳ ବର୍ଷାରେ ଚମୋଲି ଦେଇ ଯାଇଥିବା ଏକ ପ୍ରମୁଖ ରାଜପଥର ଏକ ଅଂଶ ଭାସି ଯିବାରୁ ପର୍ଯ୍ୟଟକମାନେ ଫସି ରହିଛନ୍ତି । ସେହିପରି ବଦ୍ରିନାଥକୁ ଯାଉଥିବା ୭ ନମ୍ବର ଜାତୀୟ ରାଜପଥର ଏକ ଅଂଶ ପାଣିରେ ଭାସିଯାଇଛି। ଫଳରେ ବଦ୍ରିନାଥକୁ ଯୋଗାଯୋଗ ବିଚ୍ଛିନ୍ନ ହୋଇପଡ଼ିଛି ।
