(ପାକିସ୍ତାନ) : ଇମ୍ରାନଙ୍କୁ ବଡ ଝଟକା । ଫେବୃଆରୀ ୮ରେ ପାକିସ୍ତାନରେ ହେବାକୁ ଥିବା ସାଧାରଣ ନିର୍ବାଚନ ପାଇଁ ପ୍ରସ୍ତୁତି ଶେଷ ହୋଇଛି । ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ବିନା ଏହି ନିର୍ବାଚନ ଅନୁଷ୍ଠିତ ହେବ । ବିଭିନ୍ନ ମାମଲାରେ ୧୪ବର୍ଷ ଜେଲ ଦଣ୍ଡାଦେଶ ହୋଇଥିବା ଇମ୍ରାନ ଖାନ ଜେଲରେ ଅଛନ୍ତି ଏବଂ କୋର୍ଟ ତାଙ୍କୁ ଆସନ୍ତା ୧୦ବର୍ଷ ପାଇଁ କୌଣସି ସାମ୍ବିଧାନିକ ପଦବୀ ପାଇଁ ଅଯୋଗ୍ୟ ଘୋଷଣା କରିଛନ୍ତି ।
ସୂଚନାନୁଯାୟୀ , ଏଭଳି ପରିସ୍ଥିତିରେ ପୁନର୍ବାର ପାକିସ୍ତାନର ପ୍ରଧାନମନ୍ତ୍ରୀ ହେବାର ସ୍ୱପ୍ନ ଦେଖୁଥିବା ଇମ୍ରାନ ଖାନ ନିରାଶ ହୋଇଛନ୍ତି । ଫେବୃଆରୀ ୮ରେ ସାଧାରଣ ନିର୍ବାଚନ କରିବା ପାଇଁ ସେମାନେ ସମସ୍ତ ପ୍ରସ୍ତୁତି ଶେଷ କରିଛନ୍ତି ବୋଲି ପାକିସ୍ତାନୀ ଅଧିକାରୀ କହିଛନ୍ତି । ପୁରୁଷମାନଙ୍କ ପାଇଁ ୨୫,୩୨୦ମତଦାନ କେନ୍ଦ୍ର ଏବଂ ମହିଳା ଭୋଟରଙ୍କ ପାଇଁ ୨୩୯୫୨ ମତଦାନ କେନ୍ଦ୍ର ଅଛି। ଜାତୀୟ ବିଧାନସଭା ଏବଂ ଚାରିଟି ପ୍ରାଦେଶିକ ବିଧାନସଭା ପାଇଁ ପ୍ରାୟ ୧୮,୦୦୦ପ୍ରାର୍ଥୀ ଦୌଡ଼ରେ ଅଛନ୍ତି।
