ଭୁବନେଶ୍ୱର: ଓଡିଶା କ୍ୟାଡର ଜଣେ ଆଇପିଏସ ଅଫିସର ନିଖୋଜ । ଦୀର୍ଘ ଦିନରୁ ମିଳୁନାହିଁ ଏହି ଆଇପିଏସଙ୍କ ପତ୍ତା । ଏହି ଆଇପିଏସ ଅଫିସର ହେଲେ ୧୯୯୮ ବ୍ୟାଚର ଏନ ବି ଭାରତୀ । ସେ ୨୦୨୦ରୁ ନିଖୋଜ ଅଛନ୍ତି । ସରକାରଙ୍କ ବିନା ଅନୁମତିରେ ସେ କାର୍ଯ୍ୟରେ ଅନୁପସ୍ଥିତ ଅଛନ୍ତି । ତାଙ୍କ ସହ ଯୋଗାଯୋଗ ପାଇଁ ଚେଷ୍ଟା ହୋଇଆସୁଥିଲେ ମଧ୍ୟ ଏହା ସମ୍ଭବ ହେଉ ନାହିଁ । ତେଣୁ ରାଜ୍ୟ ସରକାର ତଥା ପୁଲିସ ବିଭାଗ ତାଙ୍କୁ ଜବାବ ତଲବ କରିଛନ୍ତି । ଆସନ୍ତା ଅକ୍ଟୋବର ୨୦ ସୁଦ୍ଧା ଜବାବ ଦାଖଲ କରିବାକୁ ନିର୍ଦ୍ଦେଶ ରହିଛି ।
ଏହି ୧୯୯୮ ବ୍ୟାଚର ଓଡିଶା କ୍ୟାଡରର ଆଇପିଏସ ୨୦୨୦ରୁ ନିଖୋଜ ଅଛନ୍ତି । ସେ କେଉଁଠି ଅଛନ୍ତି, କଣ କରୁଛନ୍ତି, କାହିଁକି ଅନୁପସ୍ଥିତ ତାହା କାହାରିକୁ ଜଣାନାହିଁ । ବାରମ୍ବାର ତାଙ୍କ ସହ ସମ୍ପର୍କସ୍ଥାପନ କରିବାକୁ ଚେଷ୍ଟା କରାଯାଇଥିଲେ ମଧ୍ୟ କିଛି ସୁଫଳ ମିଳିପାରି ନାହିଁ । ଭାରତୀଙ୍କୁ ଯୋଗାଯୋଗ ପାଇଁ ‘ଇ-ମେଲ’ କରାଯାଇଛି ଓ ହେଲେ ସେ ତାହାକୁ ସେ ଦେଖୁ ନାହାନ୍ତି । ତାଙ୍କ ଠିକଣାରେ ଚିଠି ବି ହୋଇଛି କିନ୍ତୁ ତାହା ଫେରି ଆସିଛି । ଫୋନ ଉଠାଉ ନାହାନ୍ତି । ତାଙ୍କର ବର୍ତ୍ତମାନ ସ୍ଥିତି ସମ୍ପର୍କରେ ରାଜ୍ୟ ସରକାର ତଥା ବିଭାଗ ଅନଭିଜ୍ଞ । ତେଣୁ ତାଙ୍କୁ ଅକ୍ଟୋବ ୨୦ ମଧ୍ୟରେ ଜବାବ ଦାଖଲ କରିବାକୁ ନିର୍ଦ୍ଦେଶ ହୋଇଛି ।
