(ମୁମ୍ବାଇ): ବଲିଉଡ୍ ନିର୍ଦେଶକ କରଣ ଜୋହରଙ୍କୁ ୟୁନାଇଟେଡ୍ କିଙ୍ଗଡମ୍ର ସଂସଦ ତରଫରୁ ସମ୍ମାନିତ କରାଯାଇଛି। ବିଶ୍ବ ମନୋରଂଜନ ଶିଳ୍ପକୁ ବିଶେଷ ଅବଦାନ ପାଇଁ ବଲିଉଡ୍ ନିର୍ଦେଶକ କରଣ ଜୋହରଙ୍କୁ ୟୁନାଇଟେଡ୍ କିଙ୍ଗଡମ୍ର ସଂସଦ ତରଫରୁ ସମ୍ମାନିତ କରାଯାଇଛି।
ସୂଚନାନୁଯାୟୀ , ଭାରତୀୟ ମୂଳର ବ୍ରିଟିସ୍ ସାଂସଦ ବାରୋନେସ୍ ବର୍ମାଙ୍କ ଠାରୁ ସେ ଏହି ସମ୍ମାନ ଗ୍ରହଣ କରିଛନ୍ତି। କରଣ ନିଜେ ଏହି ସୂଚନା ପ୍ରଦାନ କରିବା ସହିତ ଏହାକୁ ତାଙ୍କ ଜୀବନର ଏକ ବିଶେଷ ଦିନ ରୂପେ ବ୍ୟାଖ୍ୟା କରିଛନ୍ତି। କରଣ ଏ ବର୍ଷ ସିନେନିର୍ମାତା ଭାବେ ୨୫ ବର୍ଷ ପୂରଣ କରିଛନ୍ତି। ୧୯୯୮ରେ ତାଙ୍କ ନିର୍ଦେଶିତ ପ୍ରଥମ ଚଳଚ୍ଚିତ୍ର ‘କୁଛ୍ କୁଛ୍ ହୋତା ହୈ’ ମୁକ୍ତିଲାଭ କରିଥିଲା। ରଣବୀର ସିଂହ ଓ ଆଲିଆ ଭଟ୍ଟଙ୍କୁ ନେଇ ସେ ନିର୍ମାଣ କରିଥିବା ‘ରକି ଔର୍ ରାଣୀ କୀ ପ୍ରେମ କାହାଣୀ’ ଆସନ୍ତା ଜୁଲାଇ ୨୮ରେ ପ୍ରେକ୍ଷାଳୟରେ ମୁକ୍ତିଲାଭ କରିବ।
