(ଦିଲ୍ଲୀ) : G -20ରେ ସାମିଲ ହେବାକୁ ଆସୁଥିବା ରାଷ୍ଟ୍ର ମୁଖ୍ୟ ଓ ଅନ୍ୟ ଅତିଥି ମାନଙ୍କୁ ଖାଇବାକୁ ମାଣ୍ଡିଆ ଜାତୀୟ ଖାଦ୍ୟ ଦିଆଯିବ । ଆଉ ମାଣ୍ଡିଆ ଚାଷ ଉପରେ ରାଷ୍ଟ୍ର ମୁଖ୍ୟ ମାନଙ୍କୁ ନିଜ ଅଭିଜ୍ଞତା ବଖାଣିବେ ଓଡିଶାର ୨ଜଣ ମାଣ୍ଡିଆ ଚାଷୀ । ଓଡ଼ିଆ ଚାଷୀ ଦୁଇ ଜଣ ହେଲେ କୋରାପୁଟ ଜିଲ୍ଲା କୁନ୍ଦୁରା ଅଞ୍ଚଳର ଆଦିବାସୀ ମହିଳା ଚାଷୀ ରାଈମତି ଘିଉରିଆ ଓ ମୟୂରଭଞ୍ଜ ଜିଲ୍ଲାର ଚାଷୀ ସୁବାସ ମହନ୍ତ ।
ସୂଚନାନୁଯାୟୀ, ସରକାରଙ୍କ ମିଲେଟ୍ ମିଶନରେ ସାମିଲ୍ ହୋଇ ସେ ମାଣ୍ଡିଆ ମାଆ ଭାବେ ପରିଚିତ ହୋଇ ରାଜ୍ୟସ୍ତରୀୟ ତଥା ଜାତୀୟ ସ୍ତରରେ ସମ୍ମାନିତ ହୋଇ ବିଭିନ୍ନ ଅନୁଷ୍ଠାନରୁ ପୁରସ୍କାର ପାଇଛନ୍ତି । ଆସନ୍ତା ୯ ଓ ୧୦ ତାରିଖରେ ଦିଲ୍ଲୀରେ ହେବ G20 ସମ୍ମିଳନୀ । ଏଥିରେ 20 ଟି ଦେଶ ଅଂଶ ଗ୍ରହଣ କରିବେ । ପ୍ରଥମ ଥର ପାଇଁ ଏହାକୁ ଭାରତ ଆୟୋଜନ କରୁଛି । ତେଣୁ ଜି-20 ସମ୍ମିଳନୀ ପାଇଁ କେନ୍ଦ୍ର ସରକାର ଜୋରଦାର ପ୍ରସ୍ତୁତି କରୁଛନ୍ତି ।
