ଭାରତୀୟ ଟିମ୍ର ପୂର୍ବତନ ଅଧିନାୟକ ତଥା ଚେନ୍ନାଇ ସୁପର କିଙ୍ଗସ୍ରେ ଏବେକାର ଅଧିନାୟକ ମହେନ୍ଦ୍ର ସିଂହ ଧୋନି । ଚେନ୍ନାଇ ଟିମ୍କୁ ପାଞ୍ଚ ଥର ଆଇପିଏଲ୍ ଟୁର୍ଣ୍ଣାମେଣ୍ଟରେ ଚମ୍ପିଆନ୍ କରିବାରେ ଧୋନିଙ୍କ ଭୂମିକା ବେଶ୍ ଥିଲା ଗୁରୁତ୍ୱପୂର୍ଣ୍ଣ । ଆଇପିଏଲ୍ ଇତିହାସରେ ସବୁଠୁ ସଫଳ ଟିମ୍ ମଧ୍ୟରେ ଚେନ୍ନାଇ ଅନ୍ୟତମ । ଏବେ ଧୋନିଙ୍କ କ୍ରିକେଟ୍ ସେନ୍ସକୁ ନେଇ ଆଫଗାନିସ୍ତାନ କ୍ରିକେଟ୍ ଟିମ୍ର ପୂର୍ବତନ ଅଧିନାୟକ ବଡ଼ ଖୁଲାସା କରିଛନ୍ତି । ଏକା ଗଣମାଧ୍ୟମକୁ ସାକ୍ଷାତକାରରେ ଅସଗର ଆଫଗାନ କହିଛନ୍ତି ଯେ, ୨୦୧୮ର ଏସିଆ କପ୍ରେ ଭାରତ-ଆଫଗାନିସ୍ତାନ ମଧ୍ୟରେ ଏକ ମୁକାବିଲା ଖେଳାଯାଇଥିଲା । ଯେଉଁ ମ୍ୟାଚ୍ର ପରିଣାମ ଟାଇରେ ହିଁ ଶେଷ ହୋଇଥିଲା । ତେବେ ମ୍ୟାଚ୍ ଶେଷରେ ପରେ ଅଧିନାୟକ ଅସଗର ଆଫଗାନ ଏବଂ ଧୋନିଙ୍କ ମଧ୍ୟରେ ବହୁ ସମୟ ଧରି ଆଲୋଚନା ଚାଲିଥିଲା । ଏହି ଆଲୋଚନାରେ ମୁଁ କହିଥିଲି କି, ଧୋନି ଭାଇ ମହମ୍ମଦ ଶେହଜାଦ୍ ଆପଣଙ୍କର ଜଣେ ବଡ଼ ଫ୍ୟାନ୍ । ତେଣୁ ଶେହଜାଦ୍ ଆପଣ ଆଇପିଏଲ୍ ଟିମ୍ରେ ସାମିଲ କରିଦିଅନ୍ତୁ । ଆପଣ (ଧୋନି)ଙ୍କ ନେତୃତ୍ୱରେ ଖେଳିବାକୁ ଶେହଜାଦଙ୍କ ବହୁ ଇଚ୍ଛା ରହିଛି ।
ତେବେ ଅସଗରଙ୍କ ପ୍ରଶ୍ନର ଉତ୍ତର ରଖି ଧୋନି କହିଥିଲେ କି, ମୁଁ ତାଙ୍କୁ (ଶେହଜାଦ) ମୋ ଦଳରେ ସାମିଲ କରିବାକୁ ରାଜି ଅଛି । କିନ୍ତୁ ତା ବଦଳରେ ଶେହଜାଦଙ୍କୁ ୨୦ କିଲୋ ଓଜନ କମାଇବାକୁ ପଡିବ । ଧୋନିଙ୍କ ଏଭଳି ମଜାଳିଆ ଉତ୍ତର ପାଇ ଆମେ ସମସ୍ତେ ହସିଥିଲୁ । ଆଉ ସିରିଜ୍ ଶେଷ ପରେ ଆଫଗାନିସ୍ତାନ ଫେରୁଥିଲୁ । ସେଠାରେ ଶେହଜାଦ ଆଇପିଏଲ୍ରେ ଖେଳିବା ଲାଗି ବହୁ ପରିଶ୍ରମ କରିଥିଲେ । କିନ୍ତୁ ତାଙ୍କ ଓଜନ ୨୦ କିଲୋ କମିବା ବଦଳରେ ମାତ୍ର ୫ କେଜି ହିଁ କମିଥିଲା |
