(ଲଦାଖ) : ଖାଲରେ ଖସିଲା ସେନା ଗାଡି । ଲଦାଖରୁ ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ଫଳରେ ୯ଜଣ ଯବାନ ସହିଦ୍ ହୋଇଛନ୍ତି । ଶନିବାର ସନ୍ଧ୍ୟାରେ ଲଦାଖର ୟୁନିଅନ୍ ଟେରିଟୋରୀରେ ଭାରତୀୟ ସେନା ଗାଡି ଏକ ବଡ଼ ଦୁର୍ଘଟଣାର ସମ୍ମୁଖୀନ ହୋଇଥିଲା ।
ସୂଚନାନୁଯାୟୀ , ରାଜଧାନୀ ଲେହ ନିକଟସ୍ଥ କ୍ୟାରୀ ସହରଠାରୁ କିଛି ଦୂରରେ ସେନା ଗାଡି ଏକ ଗଭୀର ଖାଲକୁ ପଡ଼ିଯାଇଥିଲା । ଏହି ଦୁର୍ଘଟଣାରେ ୯ ସେନା ସୈନିକଙ୍କ ମୃତ୍ୟୁ ହୋଇଥିବା ଆଶଙ୍କା କରାଯାଉଛି । ଜଣେ ସୈନିକ ଆହତ ହୋଇଥିବା ଖବର ରହିଛି । ଗୋଟିଏ ଟ୍ରକରେ ୨ ଜୁନିୟର କମିଶନ ଅଫିସର ଏବଂ ୭ ଯବାନ ଯିବା ସମୟରେ ଏହି ଦୁର୍ଘଟଣା ଘଟିଛି । ଏହାପୂର୍ବରୁ ୮ ଜଣ ଯବାନଙ୍କ ମୃତ୍ୟୁ ଖବର ଆସିଥିଲା, କିନ୍ତୁ ପ୍ରତିରକ୍ଷା ଅଧିକାରୀ କହିଛନ୍ତି ଯେ ମୃତ୍ୟୁ ସଂଖ୍ୟା ନଅକୁ ବୃଦ୍ଧି ପାଇଛି ଏବଂ ଜଣେ ଯବାନ ଆହତ ହୋଇଛନ୍ତି ।
