(ଭୁବନେଶ୍ୱର) : ଆଉ ଗୋଟିଏ ଦିନ ପରେ ଅର୍ଥାତ୍ ମେ ୧୩ ତାରିଖରେ ଦେଶରେ ଚତୁର୍ଥ ପର୍ଯ୍ୟାୟ ମତଦାନ ଥିବା ବେଳେ ଓଡ଼ିଶାରେ ପ୍ରଥମ ପର୍ଯ୍ୟାୟ ପାଇଁ ହେବ ଭୋଟିଂ । ସେହିପରି ଆଜି ପ୍ରଚାରର ଶେଷ ଦିନ ହୋଇଥିବାରୁ ଆଜି ପ୍ରଚାର ମୈଦାନରେ ଜୋର ଲଗାଇବେ ପ୍ରାର୍ଥୀ ।
ସୂଚନାନୁଯାୟୀ, ଆସନ୍ତା ସୋମବାର ବ୍ରହ୍ମପୁର, କୋରାପୁଟ, ନବରଙ୍ଗପୁର ଏବଂ କଳାହାଣ୍ତି ଲୋକସଭା ଆସନ ସହ ୨୮ଟି ବିଧାନସଭା ଆସନ ପାଇଁ ମତଦାନ ଅନୁଷ୍ଠିତ ହେବାକୁ ଯାଉଛି । ଏଥର ଫୋକସରେ ରହିଛି ଦକ୍ଷିଣ ଓଡ଼ିଶା । ଅନ୍ୟପକ୍ଷରେ ମେ’୧୩ ତାରିଖ ଦିନ ୯ଟି ରାଜ୍ୟ ଏବଂ ଗୋଟିଏ କେନ୍ଦ୍ର ଶାସିତ ଅଞ୍ଚଳରେ ଜମ୍ମୁ ଓ କାଶ୍ମୀରକୁ ମିଶାଇ ମୋଟ୍ ୯୬ ଲୋକସଭା ଆସନ ପାଇଁ ଭୋଟିଂ ହେବ ।
