ଜାଲିକାଟୁରେ ଭାଗ ନେବେ ସ୍ୱଦେଶୀ ବଳଦ: ମାଡ୍ରାସ ହାଇକୋର୍ଟ

ମାଡ୍ରାସ: ଗୁରୁବାର ଦିନ ମାଡ୍ରାସ ହାଇକୋର୍ଟ ତାମିଲନାଡୁର ପାରମ୍ପରିକ ପର୍ବ ଜାଲିକାଟ୍ଟୁ ପାଇଁ ଏକ ନିର୍ଦ୍ଦେଶ ଜାରି କରିଛନ୍ତି । କୋର୍ଟ ତାମିଲ ନାଡୁ ସରକାରଙ୍କୁ ନିର୍ଦ୍ଦେଶ ଦେଇ କହିଛନ୍ତି, ଜାଲିକାଟ୍ଟୁରେ ଭାଗ ନେବା ପାଇଁ ସରକାର କେବଳ ଦେଶୀ ବଳଦଙ୍କୁ ଅନୁମତି ଦିଅନ୍ତୁ । ବିଦେଶୀ ବା ଉନ୍ନତମାନର ଶଙ୍କର ଜାତୀୟ ବଳଦଙ୍କୁ ଜାଲିକାଟ୍ଟୁରେ ଭାଗ ନେବା ଉପରେ ପ୍ରତିବନ୍ଧକ ଲଗାଇବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି । ଏଥିସହ ସରକାରଙ୍କୁ କୋର୍ଟ କହିଛନ୍ତି, ଚାଷୀ ବା ବଳଦ ମାଲିକଙ୍କୁ ସ୍ୱଜାତି ପ୍ରଜନନ ପାଇଁ ପ୍ରୋତ୍ସାହିତ କରିବାକୁ ସବସିଡି ଯୋଗାଇ ଦେବା ଉଚିତ । ଏଥିସହ କୋର୍ଟ ଆହୁରି ନିର୍ଦ୍ଦେଶ ଦେଇଛନ୍ତି କି, ଜାଲିକାଟ୍ଟୁରେ ଭାଗ ନେବା ପୂର୍ବରୁ ବଳଦଙ୍କୁ ସ୍ୱିକୃତି ପ୍ରଦାନ କରୁଥିବା ପଶୁ ଡାକ୍ତରଙ୍କୁ କେବଳ ସ୍ୱଜାତି ବଳଦଙ୍କୁ ସ୍ୱୀକୃତି ଦେବାକୁ ନିଶ୍ଚିତ କରିବାକୁ ହେବ ।
ଅଦାଲତ ଦର୍ଶାଇଛନ୍ତି ଯେ ପ୍ରାଣୀମାନଙ୍କର କୃତ୍ରିମ ପ୍ରଜନନ ପ୍ରାଣୀମାନଙ୍କର ମିଳନ ଅଧିକାରକୁ ଅସ୍ୱୀକାର କରିବ ଏବଂ ଏହା ପ୍ରାଣୀମାନଙ୍କ ପ୍ରତି ନିଷ୍ଠୁରତା ହେବ, ଯାହା ନିବାରଣ ନିମନ୍ତେ ପଶୁପକ୍ଷୀଙ୍କ ଅଧିନିୟମ, ୧୯୬୦ ଅନୁଯାୟୀ ହେବ।