(ମୁମ୍ବାଇ) : ବିବାହ ବନ୍ଧନରେ ଆବଦ୍ଧ ହେଲେ କ୍ରିକେଟର ନବଦୀପ ସୈନି ଓ ସ୍ବାତୀ ଅସ୍ଥାନା । ଉଭୟଙ୍କ ରିଲେସନସିପରେ ଥିବା ନେଇ କିଛିଦିନ ହେବ ଚର୍ଚ୍ଚା ଜୋର ଧରିଥିଲା। ଗତକାଲି ଅର୍ଥାତ ନଭେମ୍ବର ୨୩ରେ ବିବାହ ସରିଛି । ଏହାପରେ ସୁଖମୟ ବୈବାହିକ ଜୀବନ ପାଇଁ ନବଦୀପ ଓ ସ୍ବାତୀଙ୍କ ପ୍ରଶଂସକମାନେ ଢେର ସାରା ଶୁଭେଚ୍ଛା ଜଣାଉଛନ୍ତି।
ସୂଚନାନୁଯାୟୀ ,ନଭେମ୍ବର ୨୩ ତାରିଖରେ ନବଦୀପ ଓ ସ୍ବାତୀ ବିବାହ କରି ସାତଜନ୍ମ ପାଇଁ ସାଥୀ ହୋଇଯାଇଛନ୍ତି। ଏହି ବିବାହରେ ଦୁହିଁଙ୍କର କିଛି ସମ୍ପର୍କୀୟ ଓ ସାଙ୍ଗସାଥୀମାନେ ଉପସ୍ଥିତି ରହିଥିଲେ। ନବଦୀପ ଓ ସ୍ବାତୀଙ୍କ ବିବାହ ସମୟର ଫଟୋ ସୋସିଆଲ ମିଡିଆରେ ପୋଷ୍ଟ ହେବା ପରେ ଭାଇରାଲ ହୋଇଯାଇଛି। ଏଥିରେ ଦୁହେଁ ଖୁବ ଖୁସି ଥିବା ବି ଦେଖିବାକୁ ମିଳୁଛି।
