ନ୍ୟାୟ ପାଇଁ ପ୍ରେମିକ ଘର ଆଗରେ ପ୍ରେମିକାର ଧାରଣା

ଜଳେଶ୍ୱର: ପ୍ରଥମେ ପ୍ରେମ, ତାପରେ ଦୈହିକ ସମ୍ପର୍କ ପରେ ଗର୍ଭବତୀ ହେବା ପରେ ପ୍ରେମିକର ପ୍ରତାରଣାକୁ ନେଇ ପ୍ରେମିକ ଘର ଆଗରେ ଧାରଣାରେ ବସିଲେ ପ୍ରେମିକା । ଏମିତି କିଛି ଦେଖିବାକୁ ମଳିଛି ବାଲିଆପାଳ ଥାନା ଅଧୀନ କୁଲ୍ଲା ଗ୍ରାମରେ ।
ସୂଚନା ଅନୁଯାୟୀ କୁଲ୍ଲା ଗ୍ରାମର ଅଶୋକ ନାୟକ ଓ ନିକଟବର୍ତ୍ତୀ ଗ୍ରାମର ୧୯ ବର୍ଷୀୟା ଯୁବତୀଙ୍କ ମଧ୍ୟରେ ଗଢିଉଠିଥିଲା ପ୍ରେମ ସମ୍ପର୍କ । ପ୍ରେମିକ ଉଚ୍ଚ ଜାତିର ହୋଇଥିବା ବେଳେ ପ୍ରେମିକା ନୀଚ ଜାତିର । ପ୍ରେମକୁ ନେଇ ବିରୋଧ ଆଶଙ୍କାରେ ଉଭୟ ଘରୁ ପଳାଇ ଯାଇଥିଲେ ଗୁଜୁରାଟକୁ । ସେଠାରେ ବିବହା କରିଥିଲେ । କିନ୍ତୁ ବିବାହର ୧୫ ଦିନ ପରେ ଝିଅ ଉପରେ ପ୍ରେମିକ ନିର୍ଯାତନା ଆରମ୍ଭ କରି ଦେଇଥିଲା । ସେଠାରେ ୫ ମାସ ରହିବା ପରେ ହଠାତ୍ ଦିନେ ଅଶୋକ ତାର ସ୍ତ୍ରୀକୁ ଛାଡି ନିଜ ଗାଁ କୁହ୍ଲାକୁ ପଳାଇ ଆସିଥିଲା । ଅପରପକ୍ଷରେ ଯୁବତୀ ଅଶୋକର ସନ୍ତାନର ମା’ ହେବାକୁ ଯାଉଛନ୍ତି । ଅଶୋକଙ୍କ ଅନୁପସ୍ଥିତିରେ ସେ ଅସହାୟା ହୋଇପଡିଥିବା ବେଳେ ସେଠାରେ ଥିବା କିଛି ଓଡିଆ ଲୋକଙ୍କ ସାହାଯ୍ୟରେ ବାଲିଆପାଳ ଆସିଥିଲେ ଯୁବତୀ । ଯୁବତୀଙ୍କ ମା ମରି ଯାଇଛନ୍ତି, ବାପା ପାଗଳ । ତେଣୁ ଜେଜେବାପା ନାତୁଣୀଙ୍କୁ ନ୍ୟାୟ ଦେବା ଲକ୍ଷ୍ୟରେ ଥାନ।।ରେ ଲିଖିତ ଅଭିଯୋଗ କରିଥିଲେ । ଏହା ପରେ ପ୍ରବଳ ଶୀତରେ ଅଶୋକର ଘରକୁ ଯାଇଥିଲେ । କିନ୍ତୁ ସେଠାରେ ଦେଖିଲେ ଘରେ ତାଲା ପଡିଛି । ପରିବାରର ସମସ୍ତ ସଦସ୍ୟ କେଉଁଆଡେ ପଳାଇ ଯାଇଛନ୍ତି । ପୀଡିତା ଯୁବତୀ ଯଦରେ ସେଠରେ ଧାରଣାରେ ବସିଥିବା ବେଳେ ନ୍ୟାୟ ନ ମିଳିଲେ ସେ ଆତ୍ମହତ୍ୟା କରିବେ ବୋଲି ଗଣମାଧ୍ୟମକୁ ସୂଚନା ଦେଇଛନ୍ତି । ସେ ଧାରଣାରେ ବସିବାର ୨୪ ଘଣ୍ଟା ବିତିଗଲାଣି । କିନ୍ତୁ ସେଠାରେ ନା ପୁଲିସ ପହଁଚିଛି ନାହିଁ ପ୍ରଶାସନ ପକ୍ଷରୁ କୌଣସି ପଦକ୍ଷେପ ନିଆଯାଇଛି । ଅଶୋକଙ୍କ ଘରେ ମଧ୍ୟ ତାଲା, ଦେଖିବାକୁ ଅଛି ପ୍ରଶାସନ ପୀଡିତାଙ୍କୁ ନ୍ୟ।।ୟ ଦେବ ନା ଅନ୍ୟ ଅସହାୟା ପୀଡିତାଙ୍କ ପରି ଯୁବତୀ ଆତ୍ମହତ୍ୟାକୁ ଆପଣେଇ ନେବେ?