ଲୋକପ୍ରିୟ ଗାୟକ ଜୁବିନ ଗର୍ଗଙ୍କ ସନ୍ଦେହଜନକ ମୃତ୍ୟୁକୁ ନେଇ ହୋଇଥିଲା ଅନେକ ଚର୍ଚ୍ଚା । ତାଙ୍କ ପତ୍ନୀ ଏବଂ ପରିବାରଙ୍କ ପକ୍ଷରୁ ତଦନ୍ତ ଦାବି ପରେ ଜୁବିନ ମୃତ୍ୟୁ ମାମଲାର ପୁଲିସ ତଦନ୍ତ କରିଥିଲା । ଏହି ମାମଲାର ପୁଲିସ ତାଙ୍କ ମ୍ୟାନେଜରଙ୍କ ସମେତ ମୋଟ୍ ୪ ଜଣଙ୍କୁ ଗିରଫ ମଧ୍ୟ କରିଥିଲେ । କିନ୍ତୁ ଏ ପର୍ଯ୍ୟନ୍ତ ତାଙ୍କ ମୃତ୍ୟୁକୁ ନେଇ ଚର୍ଚ୍ଚା ଥମିନଥିବା ବେଳେ ସାମ୍ନାକୁ ଆସିଛି ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମାଙ୍କ ବୟାନ । ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମା ରାଜ୍ୟ ବିଧାନସଭାରେ କହିଛନ୍ତି ଯେ ସେପ୍ଟେମ୍ବର 19 ତାରିଖରେ ସିଙ୍ଗାପୁରରେ ଗାୟକ ଜୁବିନ ଗର୍ଗଙ୍କ ମୃତ୍ୟୁ ଏକ ହତ୍ୟା ଥିଲା । ଘଟଣାର ତିନି ଦିନ ମଧ୍ୟରେ ଏକ ସ୍ୱତନ୍ତ୍ର ତଦନ୍ତ ଦଳ (SIT) ଭାରତୀୟ ନ୍ୟାୟ ସଂହିତା (BNS)ର ଧାରା 103 ଯୋଡିଛି, ଯାହା ହତ୍ୟା ସହିତ ଜଡିତ। ବିରୋଧୀ ଦଳ ଦ୍ୱାରା ଆଗତ ଏକ ମୁଲତବୀ ପ୍ରସ୍ତାବ ଅନୁଯାୟୀ ଅନୁମତିପ୍ରାପ୍ତ ଆଲୋଚନା ସମୟରେ ସରମା ଏହି ବିବୃତ୍ତି ଦେଇଥିଲେ । ସେ କହିଛନ୍ତି ଯେ ପୋଲିସ ଶୀଘ୍ର ସିଦ୍ଧାନ୍ତ ନେଇଛି ଯେ ଏହି ମାମଲା ହତ୍ୟା ସହିତ ଜଡିତ, ତେଣୁ ଏହି ଧାରା ଶୀଘ୍ର ଯୋଡା ଯାଇଛି। ଜଷ୍ଟିସ୍ ସୌମିତ୍ର ସଇକିଆଙ୍କ ଅଧ୍ୟକ୍ଷତାରେ ଗଠିତ ଏହି କମିଶନ ନଭେମ୍ବର ୩ରୁ ବୟାନ ରେକର୍ଡ କରିବା ଆରମ୍ଭ କରିଥିଲେ । କମିଶନର ସଦସ୍ୟ ସଚିବ ଅରୁପ ପାଠକ ସୂଚନା ଦେଇଛନ୍ତି ଯେ ପୂର୍ବରୁ ଶେଷ ତାରିଖ ନଭେମ୍ବର ୨୧ ଥିଲା, କିନ୍ତୁ ବର୍ତ୍ତମାନ ଏହାକୁ ଡିସେମ୍ବର ୧୨ ପର୍ଯ୍ୟନ୍ତ ବୃଦ୍ଧି କରାଯାଇଛି ।
ବଲିଉଡ୍ ଓ ଆସାମୀ ଗୀତ ପାଇଁ ଜଣାଶୁଣା ଜୁବିନ୍ ସେପ୍ଟେମ୍ବର ୧୯ରେ ସିଙ୍ଗାପୁରର ଏକ ଦ୍ବୀପ ନିକଟରେ ପହଁରିବା ସମୟରେ ପାଣିରେ ବୁଡ଼ି ତାଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଥିଲା । ହେଲେ ସେ ଯେଉଁ ଡଙ୍ଗାରେ ଯାଇଥିଲେ ସେଥିରେ ଉଭୟ ଗୋସ୍ଵାମୀ ଓ ମହାନ୍ତ ମଧ୍ୟ ଥିଲେ । ସିଙ୍ଗାପୁର ହୋଟେଲରେ ଜୁବିନଙ୍କ ସହ ରହୁଥିବା ଶର୍ମା ଜୁବିନଙ୍କ ମୃତ୍ୟୁ ପୂର୍ବରୁ ସନ୍ଦେହଜନକ ଆଚରଣ କରିଥିଲେ ବୋଲି ଏସ୍ଆଇଟି ରିପୋର୍ଟ ତଲବ କରିଛି । ସେ ଆହୁରି ଅଭିଯୋଗ କରିଛନ୍ତି ଯେ, ଶର୍ମା ନାବିକଙ୍କଠାରୁ ଜବରଦସ୍ତ ନୌକାକୁ ନିଜ ନିୟନ୍ତ୍ରଣକୁ ନେଇଥିଲେ । ଜୁବିନଙ୍କ ମ୍ୟାନେଜର ଶର୍ମା ତନ୍ମୟ ଫୁକାନ ଆସାମ ଆସୋସିଏସନ ସିଙ୍ଗାପୁରର ସଦସ୍ୟଙ୍କୁ ପାନୀୟ ବ୍ୟବସ୍ଥା ନ କରିବାକୁ ନିର୍ଦ୍ଦେଶ ଦେଇଥିଲେ ଏବଂ ସେ ନିଜେ ଏ ବ୍ୟବସ୍ଥା କରିବେ ବୋଲି କହିଥିଲେ । ଯେତେବେଳେ ଜୁବିନ୍ ପହଁରିବା ସମୟରେ ନିଃଶ୍ବାସ ନେବାରେ କଷ୍ଟ ଅନୁଭବ କରୁଥିଲେ, ସେତେବେଳେ ଶର୍ମା ଚିତ୍କାର କରିଥିଲେ । ଗୋସ୍ବାମୀ ଏହା ମଧ୍ୟ କହିଛନ୍ତି ଯେ ଜୁବିନଙ୍କ ପାଟି ଓ ନାକରୁ ଫେଣ ବାହାରୁଥିଲା, କିନ୍ତୁ ଶର୍ମା ଏହାକୁ ‘ଏସିଡ୍ ରିଫ୍ଲକ୍ସ’ ବୋଲି କହି ଅନ୍ୟମାନଙ୍କୁ ଚିନ୍ତା ନକରିବାକୁ କହିଥିଲେ । ଗୋସ୍ଵାମୀ ତଦନ୍ତକାରୀଙ୍କୁ କହିଛନ୍ତି ଯେ ତାଙ୍କୁ ଓ ଶର୍ମା ଉଭୟଙ୍କୁ ତାଲିମ ଦେଇଥିବା ଜଣେ ବିଶେଷଜ୍ଞ ସନ୍ତରଣକାରୀ କହିଛନ୍ତି, ଜୁବିନ୍ ଏକୁଟିଆ ବୁଡ଼ି ମୃତ୍ୟୁବରଣ କରିବା ସମ୍ଭବ ନୁହେଁ । ଅନ୍ୟ ସାକ୍ଷୀଙ୍କ ବିବୃତି ମଧ୍ୟ ଶର୍ମାଙ୍କ ସନ୍ଦେହଜନକ ଆଚରଣକୁ ପ୍ରମାଣିତ କରିଥିଲା । ଗିରଫ ଦସ୍ତାବିଜ ଅନୁଯାୟୀ, ଶର୍ମା ତାଙ୍କ କାର୍ଯ୍ୟ ପାଇଁ କୌଣସି ସନ୍ତୋଷଜନକ ସ୍ପଷ୍ଟୀକରଣ ଦେଇ ନାହାନ୍ତି । ଜୁବିନଙ୍କ ପତ୍ନୀ ଗରିମା ସାଇକିଆ ଗର୍ଗ ମଧ୍ୟ କହିଛନ୍ତି ଯେ ଏହା ପଛରେ ଷଡ଼୍ଯନ୍ତ୍ର ଥିବା ସେ ସନ୍ଦେହ କରିଥିଲେ । ସେ ଆହୁରି ଦାବି କରିଥିଲେ ଯେ ଗର୍ଗଙ୍କର କେବେ ବି ହୃଦ୍ରୋଗଜନିତ ସମସ୍ୟା ନ ଥିଲା । ତେବେ ଗୋସ୍ବାମୀଙ୍କ ବୟାନ ପୁଲିସ ଅଧିକ ତଦନ୍ତ ଚଲାଇଛି ।
