ଚାନ୍ଦପୁରରେ ରାଜ୍ୟସ୍ତରୀୟ ଗୀତା ଜ୍ଞାନ ଯଜ୍ଞ ମହୋତ୍ସବ ଭକ୍ତିମୟ ପରିବେଶରେ ଅନୁଷ୍ଠିତ। ଜଗତସିଂହପୁର ଜିଲ୍ଲା ରଘୁନାଥପୁର ବ୍ଲକ ଚାନ୍ଦପୁରଠାରେ ଭଗବତ ଗୀତାର ବାଣୀକୁ ସାର୍ବଜନୀନ ,ବ୍ୟାପକ ପ୍ରଚାରପ୍ରସାର ,ବିଶେଷକରି ଯୁବପିଢ଼ି ଛାତ୍ରଛାତ୍ରୀମାନଙ୍କ ଭିତରେ ଭଗବତ ଗୀତା ପ୍ରତି ଆଗ୍ରହ ସୃଷ୍ଟି କରିବା ଓ ଏକ ସୁସ୍ଥ ସମାଜ ଗଠନର ଲକ୍ଷ୍ୟ ନେଇ ୩୯ତମ ରାଜ୍ୟସ୍ତରୀୟ ଗୀତାଜ୍ଞାନ ଯଜ୍ଞ ମହୋତ୍ସବ ଆଧ୍ୟାତ୍ମିକ ପରିବେଶରେ ମହାସମାରୋରେ ଅନୁଷ୍ଠିତ ହୋଇଯାଇଛି ।
ଏହି ମହୋତ୍ସବର ଅନ୍ତିମ ଦିନରେ ମୁଖ୍ୟଅତିଥିଭାବେ ଜଗତସିଂହପୁର ଜ଼ିଲ୍ଲାପାଳ ଜେ ସୋନାଲ ଓ ସମ୍ନାନିତ ଅତିଥିଭାବେ ଜିଲ୍ଲା ଆରକ୍ଷୀ ଅଧିକ୍ଷକ ଅଙ୍କିତ କୁମାର ବର୍ମା ଯୋଗଦେଇ ଗୀତଜ୍ଞIନ ଯଜ୍ଞରେ ଘୃତ ଆହୁତି ଦେଇ ପୂର୍ଣ୍ଣାହୂତି କରିବା ସହ ଉପସ୍ଥିତ ଭଗବତପ୍ରେମୀଙ୍କୁ ଗୀତାର ମାହାତ୍ମ୍ୟ ଉପରେ ସୂଚନା ଦେଇଥିଲେ। ଏହି ଅବସରରେ ଜ଼ିଲାପାଳ ଓ ଆରକ୍ଷୀ ଅଧିକ୍ଷକଙ୍କୁ ସମ୍ବର୍ଦ୍ଧିତ କରାଯାଇଥିଲା । ଅନୁଷ୍ଠିତ ଏହି ଗୀତାଜ୍ଞାନ ଯଜ୍ଞ ମହୋତ୍ସବରେ ବହୁ ସାଧୁସନ୍ଥ ଓ ବିଶିଷ୍ଟ ବ୍ୟକ୍ତିତ୍ୱ ଯୋଗଦେଇଥିଲେ ।
