(ମୁମ୍ବାଇ) : ଆଜିର ଦିନରେ ଆମକୁ ଛାଡି ଚାଲିଯାଇଛନ୍ତି ସୁଶାନ୍ତ ସିଂ ରାଜପୁତ। ଆଜି ତାଙ୍କର ତୃତୀୟ ମୃତ୍ୟୁ ବାର୍ଷିକୀ। ଏଥିନିମନ୍ତେ ଭଉଣୀ ଶ୍ୱେତା ସୋସିଆଲ ମିଡିଆ ପ୍ଲାଟଫର୍ମରେ ଭାଇଙ୍କ ପାଇଁ ଏକ ଭାବପ୍ରବଣ ପୋଷ୍ଟ୍ ସେୟାର୍ କରିଛନ୍ତି।
ସେ ତାଙ୍କ ପୋଷ୍ଟ୍ରେ ସୁଶାନ୍ତଙ୍କ ପାଇଁ ନିଜର ଭଲପାଇବା ଢାଳି ଦେଇଥିବା ବେଳେ ଅଭିନେତାଙ୍କ ହାତଲେଖା କିଛି ପୁସ୍ତକର ଫଟୋ ବି ଦେଇଛନ୍ତି। ଏହି ଫଟୋଗୁଡ଼ିକ ଦେବା ସହ ସୁଶାନ୍ତ ସିଂହ ରାଜପୁତଙ୍କୁ ଜ୍ଞାନ ବିଷୟରେ ଲେଖି ତାଙ୍କର ପ୍ରଶଂସା କରିଛନ୍ତି। ଶ୍ବେତାଙ୍କର ଏହି ପୋଷ୍ଟ୍ରେ ଅନେକ ସୋସିଆଲ୍ ମଡିଆ ବ୍ୟବହାରକାରୀ ଅଭିନେତାଙ୍କୁ ନ୍ୟାୟ ମିିଳିବାକୁ ଦାବି କରିଛନ୍ତି।
ସୂଚନାନୁଯାୟୀ ,୨୦୨୦ ମସିହା ଜୁନ୍ ୧୪ ତାରିଖରେ ଅଭିନେତା ସୁଶାନ୍ତ ସିଂହ ରାଜପୁତଙ୍କର ପରଲୋକ ହୋଇଥିଲା। କେହି କେହି ଏହାକୁ ଆତ୍ମହତ୍ୟା ବୋଲି କହୁଥିବା ବେଳେ କେହି କେହି ହତ୍ୟା ବୋଲି ଦାବି କରିଥିଲେ।
