ଆଜିଠୁ ଆରମ୍ଭ କବାଡ୍ଡି ଯୁଦ୍ଧ

ନୂଆଦିଲ୍ଲୀ: ଆଜିଠୁ ଆରମ୍ଭ ହେବାକୁ ଯାଉଛି ଭିଭୋ ପ୍ରୋ କବାଡ୍ଡି ଲିଗ ୨୦୨୧-୨୨ । ୧୨ଟି ଟିମକୁ ନେଇ ଏହି ମେଗା ଇଭେଣ୍ଟ ଆୟୋଜନ ହେବାକୁ ଯାଉଛି । ଆଜିଠାରୁ ଆରମ୍ଭ ହେବାକୁ ଥିବା ଏହି ଟୁର୍ଣ୍ଣାମେଣ୍ଟର ଫାଇନାଲ ଜାନୁୟାରୀ ୨୦ ତାରିଖରେ ଖେଳାଯିବ । ତେବେ ଆଜି ଉଦଘାଟନୀ ଉତ୍ସବରେ ୩ ଟି ମ୍ୟାଚ ଖେଳାଯିବ । ଦିନର ପ୍ରଥମ ମ୍ୟାଚ ବେଙ୍ଗଲୁରୁ ବୁଲ୍ସ ଏବଂ ୟୁ ମୁମ୍ବା ମଧ୍ୟରେ ଖେଳାଯିବାକୁ ଥିବା ବେଳେ ଦ୍ୱିତୀୟ ମ୍ୟାଚରେ ମୁହାଁମୁହିଁ ହେବେ ତେଲୁଗୁ ଟାଇଟନ୍ସ ଏବଂ ତାମିଲ ତାଲାଇଭଲନ୍ସ । ସେହିପରି ଶେଷ ତଥା ତୃତୀୟ ମ୍ୟାଚ ବେଙ୍ଗଲ ୱାରିୟର୍ସ ଏବଂ ୟୁପି ଯୋଦ୍ଧା ମଧ୍ୟରେ ଖେଳାଯିବ ।