(ଅରୁଣାଚଳ ପ୍ରଦେଶ) : ଅରୁଣାଚଳ ପ୍ରଦେଶ ଓ ସିକ୍କିମରେ ହେବାକୁ ଥିବା ବିଧାନସଭା ନିର୍ବାଚନ ଫଳାଫଳ ତାରିଖରେ ପରିବର୍ତ୍ତନ କରିଛନ୍ତି ନିର୍ବାଚନ କମିଶନ। ଶନିବାର ନିର୍ବାଚନ ଆୟୋଗ ନିର୍ବାଚନ କାର୍ଯ୍ୟସୂଚୀ ଘୋଷଣା କରିବା ସହ ଜୁନ୍ ୪ ତାରିଖରେ ଲୋକସଭା ଓ ୪ଟି ରାଜ୍ୟ ବିଧାନସଭା ନିର୍ବାଚନ ଫଳାଫଳ ପ୍ରକାଶ ପାଇବ ବୋଲି କହିଛନ୍ତି। କିନ୍ତୁ ଏବେ ଏହା ବଦଳି ବିଧାନସଭା ନିର୍ବାଚନ ଫଳାଫଳ ଜୁନ୍ ୨ରେ ପ୍ରକାଶ ପାଇବ ବୋଲି ସ୍ୱଷ୍ଟ ହୋଇଛି ।
ସୂଚନାନୁଯାୟୀ , ଏହାର କାରଣ ହେଉଛି ଏହି ୨ଟି ରାଜ୍ୟ ବିଧାନସଭାର କାର୍ଯ୍ୟକାଳ ଜୁନ ୨ରେ ହିଁ ଶେଷ ହେଉଛି । ଏହି କାରଣରୁ ଗଣତି ତାରିଖ ବଦଳାଯାଇଛି । ଅରୁଣାଚଳ ପ୍ରଦେଶ, ସିକ୍କିମ, ଆନ୍ଧ୍ରପ୍ରଦେଶ ଓ ଓଡ଼ିଶାରେ ବିଧାନସଭା ନିର୍ବାଚନ ହେବ। ଏପ୍ରିଲ ୧୯ତାରିଖରେ ସିକିମ ଓ ଅରୁଣାଚଳ ପ୍ରଦେଶରେ ବିଧାନସଭା ନିର୍ବାଚନ ହେବ। ଉଭୟ ରାଜ୍ୟରେ ଲୋକସଭା ନିର୍ବାଚନ ପାଇଁ ମଧ୍ୟ ଗୋଟିଏ ଦିନରେ ମତଦାନ ହେବ ।
