(ଭୁବନେଶ୍ୱର) : ଜାଡରେ ଥରୁଛି ଓଡ଼ିଶା । ଅଦିନିଆ ବର୍ଷା ପରେ ଆକାଶରୁ ବାଦଲ ହଟିବା ପରେ ରାଜ୍ୟରେ ବଢିଛି ଶୀତ । ରାତିର ତାପମାତ୍ରା କମିବାରେ ଲାଗିଛି । ଏହା ପରେ ଆସନ୍ତା ୭ଦିନ ପର୍ଯ୍ୟନ୍ତ ପାଗ ମୁଖ୍ୟତଃ ଶୁଖିଲା ରହିବ । ଗରମ ଚା’ ପିଇ ଶୀତର ମଜା ନେଉଛନ୍ତି ଲୋକେ । ତେବେ ଓଡ଼ିଶାର କଶ୍ମୀର କୁହାଯାଉଥିବା ଦାରିଙ୍ଗବାଡ଼ି ଓ କନ୍ଧମାଳର ଜି. ଉଦୟଗିରି ଅଞ୍ଚଳରେ ଗତକାଲି ଠାରୁ ପ୍ରବଳ ଶୀତ ଲାଗି ରହିଛି ।
ସୂଚନାନୁଯାୟୀ , ରାଜ୍ୟରେ କେନ୍ଦୁଝର ସବୁଠାରୁ ଥଣ୍ଡା ସହର ପାଲଟିଛି । 9.6 ଡିଗ୍ରୀ ସହ କେନ୍ଦୁଝର ସବୁଠାରୁ ଥଣ୍ଡା ସହର ହୋଇଛଇ । ସେହିପରି ଫୁଲବାଣୀ ୧୦, ଦାରିଙ୍ଗବାଡି ୧୦, କୋରାପୁଟ ୧୦.୮, କଟକ ୧୪.୮ ଓ ଭୁବନେଶ୍ୱର ତାପମାତ୍ରା ୧୫ ଡିଗ୍ରୀକୁ ଖସିଛି ।
