ମୟୁରଭଞ୍ଜ : ଶିମିଳିପାଳ ଜଙ୍ଗଲକୁ ଗଲା ବାଘୁଣୀ ଜିନତ । ମହାରାଷ୍ଟ୍ରରୁ ଆସିଥିବା ବାଘୁଣୀ ଜିନତକୁ ଏନକ୍ଲୋଜରରୁ ବାହାର କରାଯାଇ ଜଙ୍ଗଲରେ ଛାଡିଛି ବନ ବିଭାଗ । ଶିମିଳିପାଳର ଉତ୍ତର ଡିଭିଜନ କୋର ଓରିଆ୍ରଏ ବାଘୁଣୀ ଜିନତକୁ ଛଡାଯାଇଛି । ଏନେଇ ସୂଚନା ଦେଇଛନ୍ତି ଶିମିଳିପାଳ ଆରସିସିଏଫ । ଗତ ୧୩ ତାରିଖରେ ମହାରାଷ୍ଟ୍ରର ତଡବା ଜଙ୍ଗଲରେ ଜିନତକୁ ଟ୍ରାଙ୍କୁଲାଇଜର କରାଯିବା ପରେ ଏକ ସ୍ୱତନ୍ତ୍ର ଗାଡିରେ ଶିମିଳିପାଳକୁ ଅଣାଯାଇଥିଲା । ୧୪ ତାରିଖରେ ପହଞ୍ଚିଥିଲା ବାଘୁଣୀ ଜିନତ । ପରେ ଏନକ୍ଲୋଜରରେ ଛଡାଯାଇଥିଲା । କିଛି ଦିନ ତଳେ ଘୁଷୁରୀକୁ ଶିକାର ଖାଇଥିଲା ଜିନତ । ଶିମିଳିପାଳ ଅଭୟାରଣ୍ୟ ବାଘ ବଂଶ ବୃଦ୍ଧି ପାଇଁ ଦେଶର ଉତ୍ତମ ସ୍ଥାନ ବୋଲି ଏନଟିସିଏ ସ୍ପଷ୍ଟ କରିଥିଲା । ଶିମିଳିପାଳକୁ ଚଳିତ ମାସ ୭ ତାରିଖରେ ମହାରାଷ୍ଟ୍ରରୁ ଯମୁନା ଆସିଥିବା ବେଳେ ୧୪ ତାରିଖରେ ଜନ୍ନତକୁ ଅଣାଯାଇଥିଲା ।
ଶିମିଳିପାଳ ଘଞ୍ଚ ଜଙ୍ଗଲକୁ ଗଲା ବାଘୁଣୀ ଜିନ୍ନତ୍
