ନୂଆଦିଲ୍ଲୀ: ସୁପ୍ରିମ କୋର୍ଟ ଆଜି ବିଭିନ୍ନ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳ ସରକାରକୁ ଗ୍ରାମ୍ୟ କୋର୍ଟ ଗଠନ ହୋଇନଥିବାକୁ ନେଇ ଭତ୍ସର୍ନା କରିଛନ୍ତି । ଏହି ମାମଲାରେ ଉତ୍ତର ନ ଦେବାକୁ ନେଇ ମଧ୍ୟ କୋର୍ଟ ଜରିମାନା ଲଗାଇଛନ୍ତି । ଗ୍ରାମ୍ୟ କୋର୍ଟ କୋର୍ଟ ଗଠନ ମାମଲାର ଶୁଣାଣି କରି ଆଜି ସୁପ୍ରିମ କୋର୍ଟ ଆସାମ, ଚଣ୍ଡିଗଡ, ଗୁଜୁରାଟ, ହରିଆନା, ଓଡିଶା, ପଞ୍ଜାବ, ତେଲେଙ୍ଗାନା ଓ ପଶ୍ଚିମ ବଙ୍ଗ ସରକାର ଉପରେ ଏକ ଲକ୍ଷ ଟଙ୍କା ଲେଖାର ଜରିମାନା କରିଛନ୍ତି ।
ସୁପ୍ରିମ କୋର୍ଟ ଆଜି ରାଜ୍ୟଗୁଡିକୁ ଏକ ମାସ ମଧ୍ୟରେ ଗ୍ରାମ୍ୟ କୋର୍ଟ ଗଠନ ଓ ଅଧିସୂଚନା ଜାରି କରିବାକୁ ଆଦେଶ ଦେଇଛନ୍ତି । ୨୦୦୮ ମସିହାରେ ସଂସଦ ଆଇନ ପାରିତ କରି ତୃଣମୂଳ ସ୍ତରରୁ ଗ୍ରାମ୍ୟ କୋର୍ଟ ଗଠନ କରି ଲୋକଙ୍କୁ ତ୍ୱରିତ୍ ନ୍ୟାଳ ଦେବାକୁ ପ୍ରସ୍ତାବ ଦେଇଥିଲେ । ଏହା ଅକ୍ଟୋବର ୨, ୨୦୧୯ରେ ଅସ୍ତିତ୍ୱକୁ ଆସିଥିଲା । କିନ୍ତୁ ଏହା ଏପର୍ଯ୍ୟନ୍ତ ଲାଗୁ ହୋଇ ନ।।ହିଁ । ସେପ୍ଟେମ୍ବର ୨୦୧୯ ପର୍ଯ୍ୟନ୍ତ ଦେଶର ମୋଟ ୨୦୯ଟି ଗ୍ରାମ୍ୟ କୋର୍ଟ କାମ କରୁଥିବା ବେଳେ ୫୦୦୦ କୋର୍ଟ ପ୍ରତିଷ୍ଠା ପାଇଁ ଲକ୍ଷ୍ୟ ଧାର୍ଯ୍ୟ କରାଯାଇଥିଲା ।ା
