ଓଡିଶା

ଆଖୁ କିଆରୀରେ ଅଗ୍ନିକାଣ୍ଡ, ୪୦ ଏକର ଫସଲ ନଷ୍ଟ

(ମହାଭାରତ, କାମାକ୍ଷାନଗର): ଢେଙ୍କାନାଳ ଜିଲ୍ଲା କାମାକ୍ଷାନଗର ବ୍ଲକ ହାଟୁଆରୀ ଗାଁ ଆଖୁ କିଆରୀରେ ଅଗ୍ନିକାଣ୍ଡ ଘଟିଛି । ଫଳରେ ଏହି ଗାଁର ୧୦ ଜଣ ଚାଷୀଙ୍କ ପ୍ରାୟ ୪୦ ଏକର ଆଖୁ କିଆରୀ ପୋଡି ଧ୍ୱଂସ ହୋଇଯାଇଛି । ତେବେ ଆଶ୍ଚର୍ଯର ବିଷୟ ହେଉଛି, ନିଆଁ ଲିଭାଇବାକୁ ଆସିଥିବା ଦମକଳ ଗାଡି ଚକାରେ ମଧ୍ୟ ନିଆଁ ଲାଗିଯାଇଥିବା ଦେଖିବାକୁ ମିଳିଛି । ସୂଚନା ଅନୁଯାୟୀ, ଗତ ରବିବାର ହାଟୁଆରୀ ଗାଁର ଆଖୁ କିଆରୀରେ କୌଣସି କାରଣରୁ ନିଆଁ ଲାଗିଯାଇଥିଲା । ଏହା ଦେଖି ଚାଷୀମାନେ ନିଆଁକୁ ଆୟତ୍ତ କରିବାକୁ ଚେଷ୍ଟା କରିଥିଲେ । ଏନେଇ ଗାଁ ଲୋକେ ଅଗ୍ନିଶମ ବାହିନୀକୁ ଖବର ଦେଇଥିଲେ । ଦମକଳ ଗାଡି ପହଞ୍ଚି ନିଆଁ ଲିଭାଇବାକୁ ଚେଷ୍ଟା କରିଥିଲେ ମଧ୍ୟ ସେତେବେଳକୁ ନିଆଁ ବ୍ୟାପି ପ୍ରାୟ ୪୦ ଏକର ଆଖୁ କିଆରୀ ପୋଡି ଛାରଖାର ହୋଇଯାଇଥିଲା । ତେବେ ନିଆଁ ଲିଭାଉଥିବା ସମୟରେ ଦମକଳ ଗାଡିର ଚକାରେ ମଧ୍ୟ ନିଆଁ ଲାଗିଯାଇଥିବା ଦେଖିବାକୁ ମିଳିଥିଲା । ସୂଚନାଯୋଗ୍ୟ, କିଛି ଚାଷୀ ଆଖୁ କାଟି ଜମିରେ ରଖିଥିବା ବେଳେ ଆଉ କିଛି କାଟିବାକୁ ଅପେକ୍ଷା କରିଥିଲେ । କ୍ଷତି ସହିଥିବା ଚାଷୀମାନେ ଜଣକେ ଏକର ପିଛା ୧ରୁ ଦେଢ ଲକ୍ଷ ଟଙ୍କା ଯାଏ ଲୋନ କରିଛନ୍ତି ।

Related posts

୩ ଶହ ତଳେ ରହିଛି କରୋନା ସଂକ୍ରମଣ; ୨୦୩ କରୋନା ଆକ୍ରାନ୍ତ ଚିହ୍ନଟ

mahabharatanews

ଅବସରପ୍ରାପ୍ତ କର୍ମଚାରୀଙ୍କୁ ନେଇ ଜାମଦା ବ୍ଲକସ୍ତରୀୟ ନୂତନ ସଂଘ ଗଠନ

mahabharatanews

ଦୁର୍ଘଟଣାଜନିତ ମୃତ୍ୟୁ ପାଇଁ ସମ୍ବାଦପତ୍ର ହକରଙ୍କ ପରିବାରକୁ ୨ ଲକ୍ଷ ଟଙ୍କା ସହାୟତା

mahabharatanews