କ୍ୱାରେଣ୍ଟାଇନ ନିୟମ ଅମାନ୍ୟ ଅଭିଯୋଗରେ ୨ ନାଁରେ ମାମଲା

ହିଞ୍ଜିଳି: ହିଞ୍ଜିଳିକାଟୁ ଥାନା ଅନ୍ତର୍ଗତ ଦାରୁଭଦ୍ରା ଗାଁକୁ ୧୪ ତାରିଖରେ ବିଦେଶରୁ ଫେରିଥିବା ଜଣେ ଯୁବକ ନାମରେ ମାମଲା ରୁଜୁ ହୋଇଛି । କ୍ୱାରେଣ୍ଟାଇନ ନିୟମ ଭାଙ୍ଗି ଥିବା ଅଭିଯୋଗ ହେବା ପରେ ସରକାରଙ୍କ ପକ୍ଷରୁ ପୁଲିସ ନିକରେ ଅଭିଯୋଗ ହୋଇଛି । ଏହାପରେ ହିଞ୍ଜିଳି ଥାନାରେ ମାମଲା ରୁଜୁ କରାଯାଇଛି ବୋଲି ଥାନା ସୂତ୍ରରୁ କହିଯାଇଛି । ସେହି ଗାଁର ଜଣେ ଯୁବକ କିଛି ଦିନ ତଳେ ଦୁବାଇରୁ ଭାୟା ମୁମ୍ବାଇ ହୋଇ ଗାଁକୁ ଫେରିଥିବା ବେଳେ ତାଙ୍କୁ ୧୪ ଦିନ ପାଇଁ ହୋମ କ୍ୱାରେଣ୍ଟାଇନରେ ରହିବାକୁ ପରାମର୍ଶ ଦିଆଯାଇଥିଲା । ହେଲେ ସେ କ୍ୱାରେଆଇନ ନିୟମ ଭାଙ୍ଗି ଦେଇଥିଲେ । ତାଙ୍କୁ ବାରମ୍ବାର ବୁଝାଇବା ସତ୍ୱେ ବାହାରେ ବୁଲାବୁଲି କରୁଥିଲେ । ଏପରି ଅଭିଯୋଗ ପରେ ଆସ୍କା ଏସଡିପିଓ ସୂର୍ଯ୍ୟମଣି ପ୍ରଧାନ, ବିଡ଼ିଓ ପ୍ରସନ୍ନ କୁମାର ପାତ୍ର, ତହସିଲଦାର ଗୋପୀନାଥ କୁଅଁର ପରିସ୍ଥିତି ଅମାନ୍ୟ କରି ଘରେ ସଙ୍ଗରୋଧ ହୋଇ ରହିବା ପାଇଁ ପରାମର୍ଶ ଦେଇ ଫେରିଥିଲେ । ଏହି ଯୁବକ ନିୟମ ଭାଙ୍ଗିବା ଅଭିଯୋଗରେ ହିଞ୍ଜିଳିକାଟୁ ତହସିଲଦାର ଗୋପୀନାଥ କୁଅଁର ହିଞ୍ଜିଳି ଥାନାରେ ଏତଲା ଦେବା ପରେ କେଶ ନମ୍ବର୍ ୯୮/୨୦ରେ ମାମଲା ରୁଜୁ କରି ଘଟଣାର ତଦନ୍ତ ଚଳାଇଥିବା ଆଇଆଇସି ଅଭିମନ୍ୟୁ ଦାଶ କହିଛନ୍ତି । ଯେଉଁ ମାନେ ବିଦେଶ ରୁ ଫେରିଛନ୍ତି ସେହି ମାନେ ତୁରନ୍ତ ପଞ୍ଜିକରଣ କରିବା ପାଇଁ ପ୍ରଶାସନ ପକ୍ଷରୁ କୁହାଯାଇଛି ।