ନିଆରା ଢଙ୍ଗରେ ନିଜର ଜନ୍ମଦିବସ ପାଳିଲେ ସମାଜସେବୀ ସଦାଶିବ

ଭୁବନେଶ୍ୱର: ସମାଜସେବୀ ତଥା ଖଦି ଗ୍ରାମୋଦ୍ୟଗ ବୋର୍ଡର ସଦସ୍ୟ ସଦାଶିବ ଜେନା ତ।।ଙ୍କର ଜନ୍ମଦିବସକୁ ଏକ ନିଆରା ଢଙ୍ଗରେ ପାଳନ କରିଛନ୍ତି । ସକାଳୁ ସମର୍ପିତ ଓ ସେବା ସୋସିଆଲ ଫାଉଣ୍ଡେସନ ଟ୍ରଷ୍ଟ ଦ୍ୱାରା ପାଣ୍ଡରା ନିକଟସ୍ଥ କିମ୍ଭିରିଆ ବସ୍ତି ଅଞ୍ଚଳରେ କୁନି କୁନି ପିଲାମାନଙ୍କ ମଧ୍ୟରେ ଖାଦ୍ୟ ପ୍ୟାକେଟ, ମାସ୍କ ବଣ୍ଟନ କରାଯାଇଥିଲା । ତା ପରେ ପଳାଶୁଣି, ହାଇଟେକ ହସ୍ପିଟାଲ, ବାଲିଅନ୍ତା, ଗୋପାଳପୁର, ଯାଜପୁର ରୋଡ଼, ଭଦ୍ରକ, କେନ୍ଦ୍ରାପଡ଼ା ଜିଲ୍ଲା ରକ୍ତଭଣ୍ଡାର ଓ ଆମ ରାଜ୍ୟ ବାହାରେ ଝାରଖଣ୍ଡ, ମଧ୍ୟ ପ୍ରଦେଶ, ଛତିଶଗଡ଼, ମହାରାଷ୍ଟ୍ର, ରାଜସ୍ଥାନ, ଉତ୍ତର ପ୍ରଦେଶ ଆଦି ବିଭିନ୍ନ ରାଜ୍ୟରେ ଭିନ୍ନ ଭିନ୍ନ ସ୍ବେଚ୍ଛାସେବୀ ଅନୁଷ୍ଠାନମାନଙ୍କ ସହଯୋଗରେ ଏକ ଦିନରେ ସ୍ବେଚ୍ଛାକୃତ ରକ୍ତଦାନ ଶିବିର ଆୟୋଜନ କରାଯାଇଥିଲା । ଏହି ଶିବିରମାନଙ୍କରୁ ସମୁଦାୟ ଏକ ହଜାରରୁ ଉର୍ଦ୍ଧ୍ବ ୟୁନିଟ ରକ୍ତ ଥାଲାସେମିଆ ପୀଡିତଙ୍କ ପାଇଁ ସଂଗୃହୀତ ହୋଇଥିଲା ବୋଲି ସମର୍ପିତର ଗଣମାଧ୍ୟମ ସଂଯୋଜକ ସୌମ୍ୟ ରଞ୍ଜନ ପ୍ରଧାନ ଜଣାଇଛନ୍ତି।