ଭୁବନେଶ୍ୱର/ଶିଳାସ୍ମିତା ରାୟ: ବାଲେଶ୍ୱର ଉପନିବାଚନରେ ବିଜେଡିର ପରାଜୟ ହେବା ରାଜନୈତିକ ବିଶେଷକ ଅନୁମାନ କରୁଛନ୍ତି । ପ୍ରଥମତଃ ବିଜେପି ପ୍ରାର୍ଥୀ ତଥା ପୂର୍ବତନ ବିଧାୟକ ମଦନ ମୋହନ ଦତ୍ତଙ୍କ ପୁଅ ମାନସ ଦତ୍ତଙ୍କୁ ବିଜେପି ସମର୍ଥକ ଭୋଟରଙ୍କ ଟିକେଟ ସହ କିଛି ସହାନଭୂତି ଭୋଟ ମିଳିବ । ଏହା ବାଦ ବିଜେଡିରେ ସୃଷ୍ଟି ହୋଇଥିବା ଫାଙ୍କ ମଧ୍ୟ ବିଜେପି ଓ କଂଗ୍ରେସକୁ ଯିବା ସ୍ଥିର ହୋଇଛି । ବିଜେଡିର ଏହି ଫାଙ୍କ ପ୍ରାଥମିକ ଅବସ୍ଥାରେ ରବୀନ୍ଦ୍ର ଜେନା ଓ ଅତନୁ ସବ୍ୟସାଚୀଙ୍କ ମଧ୍ୟରେ କୁହାଯାଉଥିବା ବେଳେ କିନ୍ତୁ ବାସ୍ତବରେ ଏହା ବିଜେଡିର ସଙ୍କଟ ମୋଚକ କୁହାଯାଉଥିବା ଯାଜପୁର ବିଧାୟକ ପ୍ରଣବ ପ୍ରକାଶ ଦାସ ବା ବବି ଦାସଙ୍କ ବିରୋଧରେ ବିଜେଡିରେ କିଛି ମାସ ହେବ ଚାଲିଛି ଚକ୍ରାନ୍ତ । ଶୁଣିବାକୁ ମିଳିଛି, ୨୦୧୪ରୁ ୨୦୧୯ ସାଧାରଣ ନିର୍ବାଚନରେ ବବି ବିଜେଡିର ସର୍ବେସର୍ବା ବୋଲାଉଥିଲେ । ବବି ଦଳର ସୁପ୍ରିମୋଙ୍କ ଅତି ବିଶ୍ୱସ୍ତ ଓ ନିକଟତର । କିନ୍ତୁ ସୁପ୍ରିମୋଙ୍କ ବବିଙ୍କ ପ୍ରତି ଏହି ଅତୁଟ ବିଶ୍ୱାସ, ନିକଟତାକୁ ସହ୍ୟ କରି ପାରି ନ ଥିଲେ ଦଳର ଅନ୍ୟ ନେତା । ଦଳୀୟ ସମସ୍ତ କାର୍ଯ୍ୟରେ ବବିଙ୍କ ବଢିଚାଲିଥିବା ପତିଆର ହଜମ ହୋଇ ନ ଥିଲା ବବିଙ୍କ ସମସାମୟିକ ତଥା ବରିଷ୍ଠ ନେତା ଓ ମନ୍ତ୍ରୀଙ୍କୁ । ତେଣୁ ବବିଙ୍କ ବିରୋଧରେ ଦଳରେ ଦେଖା ଦେଇଥିଲା ରିତିମତ ଷଡଯନ୍ତ୍ର । ବିଜେଡି ପ୍ରାର୍ଥୀ ସ୍ୱରୂପ ଦାସଙ୍କୁ ଥୋପ କରି ବବିଙ୍କ ଚେର କାଟିବାକୁ ଚାଲିଛି ଷଡଯନ୍ତ୍ର । ଏହି ଷଡଯନ୍ତ୍ରର କାର୍ପଟଧାର ହେଉଛନ୍ତି ଅତନୁ ସବ୍ୟସାଚୀ ନାୟକ । ସେ ଦଳରେ ସୃଷ୍ଟି କରିଛନ୍ତି ଦୁଇ ଗୋଷ୍ଠୀ । ଗୋଟିଏ ପଟେ ସାଧାରଣ ଦଳୀୟ କର୍ମକର୍ତ୍ତା ଯେଉଁମାନେ ସୁପ୍ରିମୋ ତଥା ତାଙ୍କ ବିଶ୍ୱସ୍ତ ବବିଙ୍କୁ ସମର୍ଥନ କରୁଛନ୍ତି ଓ ଅନ୍ୟ ଏକ ଗୋଷ୍ଠୀ ଯେଉଁମାନେ ବବିଙ୍କ ପ୍ରତି ଇର୍ଷା ପୋଷଣ କରୁଥିବା ନେତା, ମନ୍ତ୍ରୀ ଓ ସେମାନଙ୍କ ସମର୍ଥକ ।
ବବିଙ୍କ ପ୍ରତି ଇର୍ଷାପରାୟ ଥିବା ଚକ୍ରାନ୍ତକାରୀ ବବିଙ୍କ ଭାଇଙ୍କ ଶ୍ୱଶୁର ରବୀନ୍ଦ୍ର ଜେନା ତଥା ତାଙ୍କ ଧର୍ମପତ୍ନୀଙ୍କ ଟିକେଟ କାଟି ଦେଲେ । ବିଜେଡିରେ ଏକ ଚଳଣି ରହିଛି, କୌଣସି ପ୍ରାର୍ଥୀ ପରାସ୍ତ ହେଲେ ତାଙ୍କୁ ଆଉ ଟିକେଟ ଦିଆଯିବ ନାହିଁ । ସେହି କ୍ରମରେ ଚଳିତ ଥର ପୂର୍ବ ନିର୍ବାଚନରେ ପରାସ୍ତବରଣ କରିଥିବା ଜୀବନ ପ୍ରଦୀପ ଦାସଙ୍କୁ ବିଜେଡିର ଟିକେଟ ମିଳିବାର ନ ଥିଲା । କିନ୍ତୁ ଅତନୁଙ୍କ ପ୍ରରୋଚନାରେ ରବୀନ୍ଦ୍ରଙ୍କୁ ଟିକେଟ ମିଳିଲେ ଦଳ ଛାଡି ପୁଣି ବିଜେପିରେ ମିଶିବାକୁ ଧମକ ଦେଇଥିଲେ ଜୀବନ ଦଳକୁ । ତେଣୁ ଅନୋନ୍ୟପାୟ ହୋଇ ବିଜେଡି ନା ଜୀବନଙ୍କୁ ଟିକେଟ ଦେଲା ନାହିଁ ରବୀନ୍ଦ ବା ତାଙ୍କ ପତ୍ନୀଙ୍କୁ । ଅତନୁ ତାଙ୍କ ଜଣେ ସମର୍ଥକ କାଉନସିଲରଙ୍କୁ ଠିଆ କରାଇବାରେ ସକ୍ଷମ ହେଲେ ।
ଜଣେ କାଉନସିଲରଙ୍କୁ ପ୍ରାର୍ଥୀ କରିବା ପଛରେ କୁହାଯାଉଛି, ବିଜେଡିର ବାଲେଶ୍ୱରରେ ପରାସ୍ତର ଯଥେଷ୍ଟ ସମ୍ଭାବନା ରହିଛି । ତେଣୁ ସ୍ୱରୂପଙ୍କ ପରି ଜଣେ କାଉନସିଲରଙ୍କୁ ଠିଆକରାଇ ଦେଲେ । ଯଦି ବିଜେଡି ଜିତିଲା ତେବେ ଠିକ । ଯଦି ହାରିଲା, ତେବେ ବବି ଓ ତାଙ୍କ ଶ୍ୱଶୁରଙ୍କ ସମର୍ଥକଙ୍କ ବିଜେଡି ବିରୋଧୀ କାର୍ଯ୍ୟ ପାଇଁ ହୋଇଥିବା ଅତନୁ ସୁପ୍ରିମୋଙ୍କୁ ଦର୍ଶାଇବାକୁ ଚେଷ୍ଟା କରିବେ ବୋଲି ବିଶେଷକ କୁହନ୍ତି । ଏସବୁ ସତ୍ତେ୍ୱ କିନ୍ତୁ ବବି ତାଙ୍କ ପ୍ରଚାର ଅଭିଯାନ ଜାରି ରଖିଛନ୍ତି । ଲୋକଙ୍କୁ ଆକୃଷ୍ଟ କରିବାକୁ ତାଙ୍କ ସବୁ ଦମ ଲଗାଇ ଦେଇଛନ୍ତି । ଏବେ ଦେଖିବାକୁ ରହିଲା ଚକ୍ରାନ୍ତକାରୀ ଜିତୁଛନ୍ତି ନା ବବି ।
