ୱାଶିଂଟନ: ଚଳିତ ସପ୍ତାହର ପ୍ରାରମ୍ଭରୁ ବିଶ୍ୱସ୍ତରରେ ବିଭିନ୍ନ କ୍ଷେତ୍ରରେ ନିଜର ପାରଦର୍ଶିତା ଦେଖାଇଥିବା ବ୍ୟକ୍ତିବିଶେଷଙ୍କୁ ନୋବେଲ ପୁରସ୍କାର ପାଇଁ ମନୋନୀତ କରାଯାଉଛି । ମେଡିସିନ ଓ ପଦାର୍ଥ ବିଜ୍ଞାନରେ ୩ ଜଣ ଲେଖାଏ ବୈଜ୍ଞାନିକଙ୍କୁ ନୋବେଲ ପୁରସ୍କାର ପାଇଁ ଚୟନ କରାଯାଇଛି । ଆଜି ରସାୟନ ବିଜ୍ଞାନ କ୍ଷେତ୍ରରେ ନୋବେଲ ପାଇଁ ଦୁଇଜଣଙ୍କ ନାମ ବଛାଯାଇଛି । ଏହି ଦୁଇଜଣ ହେଉଛନ୍ତି ଦୁଇ ମହିଳା ବୈଜ୍ଞାନିକ ।
ଚଳିତ ବର୍ଷ ରସାୟନ ବିଜ୍ଞାନ କ୍ଷେତ୍ରରେ ଦୁଇ ଜଣ ମହିଳାଙ୍କୁ ନୋବେଲ ପୁରସ୍କାର ପ୍ରଦାନ କରାଯିବ। ଏମାନେ ହେଲେ ଇମାନ୍ୟୁଏଲ କାରପେଣ୍ଟିଅର ଓ ଜେନିଫର ଏ ଡୌଡନା । ଇମାନ୍ୟୁଏଲ ହେଉଛନ୍ତି ଫ୍ରାନ୍ସର ବୈଜ୍ଞାନିକ ହୋଇଥିବା ବେଳେ ଜେନିଫର ଆମେରିକାରର। ଉଭୟଙ୍କୁ ପୁରସ୍କାର ବାବଦରେ ସ୍ୱର୍ଣ୍ଣ ପଦକୁ ସହ ୧.୧ ମିଲିୟନ ଡଲାରରୁ ମଧ୍ୟ ଅଧିକ ଅର୍ଥ ମିଳିବ।ଜେନିଫର ଓ ଇମାନ୍ୟୁଏଲ ଜେନୋମ ସଂପାଦନ କରିବା ପାଇଁ ଗୋଟିଏ ମେଥଡ ବାହାର କରିଥିଲେ। ଏହି ମେଥଡ ଦ୍ୱାରା ବେଶ ଆରାମରେ ଜିନ୍ଗୁଡ଼ିକୁ ସଂଶୋଧନ କରାଯିବା ସହ ଏହା ଉପରେ ମଧ୍ୟ ଗବେଷଣା କରାଯାଇ ପାରିବ। ଏହି ମେଥଡ ସିଆରଆଇଏସପିଆର ଭାବେ ଜଣାଶୁଣା।
