ଗୋପ: କୋଣାର୍କ-ପୁରୀ ମେରାଇନ ଡ୍ରାଇଭର ରାମଚଣ୍ଡୀ ନିକଟରେ ଜଣେ ଅଚିହ୍ନା ଯୁବତୀଙ୍କ ଗଳିତ, ନଗ୍ନ ମୃତଦେହ ମିଳିଛି । ଏହା ବଙ୍ଗୋପସାଗର ଓ କୁଶଭଦ୍ରା ନଦୀର ସଂଗମସ୍ଥଳ ମୁହାଣମୁହଁରେ ପଡିଥିବା ଦେଖିବାକୁ ମିଳିଛି । ମୃତ ଯୁବତୀଙ୍କ ବୟସ ୩୨ ବର୍ଷ ମଧ୍ୟରେ ହେବ ବୋଲି ଅନୁମାନ କରାଯାଉଛି। ଅନେକ ଦିନରୁ ମୃତଦେହଟି ପଡିଥିôବାରୁ ସେଥିରୁ ଦୁର୍ଗନ୍ଧ ବାହାରୁଛି ।
ରାମଚଣ୍ଡୀ ବୋଟ ଆସୋସିଏନର ସଦସ୍ୟମାନେ ଆଜି ସକାଳେ ବୋଟ ଯାଞ୍ଚ କରୁଥିବା ସମୟରେ ଏହି ମୃତଦେହଟି ଦେଖିବାକୁ ପାଇଥିଲେ । ମୃତଦେହର ମୁହଁଟି ନଷ୍ଟ ହୋଇଯାଇଥିବା ସମୟରେ ଶରୀରର ବିଭିନ୍ନ ସ୍ଥାନରୁ ଚମଡ଼ା ଉତୁରି ଯାଇଥିବାର ଦେଖାଯାଇଛି । ଗୋଟିଏ ଗୋଡ଼ରେ ପାଉଁଜି ରହିଛି । ମୃତଦେହଟି ସମୁଦ୍ରରେ ଭାସି ଆସି କୂଳରେ ଲାଗିଥିବାର ଅନୁମାନ କରାଯାଉଛି। ଚନ୍ଦ୍ରଭାଗା ସାମୁଦ୍ରିକ ଥାନା ପୁଲିସ ଘଟଣାସ୍ଥଳରେ ପହଞ୍ଚି ଯାଞ୍ଚ କରୁଛି ।
