ଶ୍ରୀ ମନ୍ଦିର ଚାରି ପାଖରୁ ବ୍ୟବସାୟ ପ୍ରତିଷ୍ଠାନ ଉଛେଦ ପ୍ରକ୍ରିୟା ଆରମ୍ଭ

(ଜୟନ୍ତ ସେଠି/ ଗୋପ): ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦେଶ କ୍ରମେ ପୁରୀ ଶ୍ରୀମନ୍ଦିର ଚାରି ପାଖ ସୌନ୍ଦର୍ୟ୍ୟ କରଣ କାର୍ୟ୍ୟ ତ୍ୱରାନ୍ୱିତ ହୋଇଛି। ଶ୍ରୀମନ୍ଦିର ନିକଟ ଦୋଳ ବେଦୀ କୋଣ ନାରାୟଣ ମନ୍ଦିର ନିକଟ ରେ ଥିବା ବ୍ୟବସାୟ ପ୍ରତିଷ୍ଠାନ ଉଛେଦ ପ୍ରକ୍ରିୟା ଆରଂଭ ହୋଇଛି। ଏ ନେଇ ଶାନ୍ତି ଶୃଙ୍ଖଳା ପାଇଁ ପୋଲିସ ଫୋର୍ସ ମୁତୟନ କରାଯାଇଛି। ଉପଜିଲ୍ଲାପାଳ ଙ୍କ ସମେତ ବରିଷ୍ଠ ଅଧିକାରୀ ଉପସ୍ଥିତ ରହିଛନ୍ତି। ପୁରୀକୁ ହେରିଟେଜ ସିଟି ଗଢି ତୋଳିବା ନେଇ ମୁଖ୍ୟମନ୍ତ୍ରୀଙ୍କର ସ୍ୱପ୍ନର ପ୍ରକଳ୍ପ ରହିଛି। ତେବେ କୋଭିଡ ସଂକ୍ରମଣ ଭୟ ଓ ଲକ୍ ଡାଉନ୍ ଯୋଗୁ ଏହା ବନ୍ଦ ରହିଥିଲା। ପୁଣି ଆଜି ଏହି କାର୍ୟ୍ୟ ତ୍ୱରାନ୍ୱିତ ହୋଇଛି। ଶ୍ରୀମନ୍ଦିର ର ଚାରି ପାଖ ର ବିକାଶ , ସୌନ୍ଦର୍ୟ୍ୟ କରଣ ସମେତ ଜଗନ୍ନାଥ ବଲ୍ଲଭ ରେ ଅତ୍ୟାଧୁନିକ ଧ୍ୟାନ କେନ୍ଦ୍ର ସହ ପ୍ରତୀକ୍ଷା ଗୃହ , ଜଗନ୍ନାଥ ବଲ୍ଲଭ କୁ ଅତ୍ୟାଧୁନିକ ଟ୍ରାମ୍ପେଟ ସେତୁ , ଅତ୍ୟାଧୁନିକ ମାର୍କେଟ କଂପ୍ଲେକ୍ସ , ଅତ୍ୟାଧୁନିକ ମଲ୍ଟି ପାର୍କିଂ ଷ୍ଟାଣ୍ଡ ଆଦି ପ୍ରୋଜେକ୍ଟ ରହିଛି। ତେବେ ଏହି କାର୍ୟ୍ୟକ୍ରମ କୁ ସମର୍ଥନ କରି ପୁରୀ ବାସିନ୍ଦା ନିଜର ଜାଗା ସରକାରଙ୍କୁ ହସ୍ତାନ୍ତର କରିଛନ୍ତି। ସରକାର ମଧ୍ୟ ଉପଯୁକ୍ତ କ୍ଷତିପୂରଣ ଦେଇଛନ୍ତି।