ସୁଭାଷ ଗର୍ଗ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀଙ୍କ ପରାମର୍ଶଦାତା ନିଯୁକ୍ତ

(ଅମରାବତୀ): ଭାରତ ସରକାରଙ୍କ ପୂର୍ବତନ ଅର୍ଥ ସଚିବ ତଥା ଅବସରପ୍ରାପ୍ତ ଆଇଏଏସ ଅଫିସର ସୁଭାଷ ଚନ୍ଦ୍ର ଗର୍ଗଙ୍କୁ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ୱାଇଏସ ଜଗନମୋହନ ରେଡ୍ଡୀଙ୍କ ପରାମର୍ଶଦାତା ନିଯୁ୍କ୍ତ କରାଯାଇଛି । ସେ ସରକାରଙ୍କ ସମ୍ବଳ ସଂଗ୍ରହଣ କାମଗୁଡିକୁ ତଦାରଖ କରିବେ । ରାଜ୍ୟ ସରକାର ତାଙ୍କ ବିଷୟରେ ବହୁ ତର୍ଜମା କରିବା ପରେ ରବିବାର ଏହି ପଦରେ ନିଯୁକ୍ତି ଦେଇଛନ୍ତି । ତାଙ୍କୁ ମିଳିଥିବା ପଦ ଜଣେ କ୍ୟାବିନଟ ମନ୍ତ୍ରୀଙ୍କ ପାହ୍ୟା ସହ ସମାନ ବୋଲି ଜଣାପଡିଛି । ତେବେ ଦାୟୀତ୍ୱ ଗ୍ରହଣ କରିବା ପରେ ଗର୍ଗ ଆଗାମୀ ୨ ବର୍ଷ ଯାଏ ଏହି ପଦ ସମ୍ଭାଳିବେ । ତେବେ ଦାୟିତ୍ୱ ଗ୍ରହଣ କରିବା ପରେ ସେ ୧୫ ଦିନ ତାଲିମ ସହ ୭ରୁ ୧୦ ଦିନ ବିଭାଗରେ କାର୍ଯ୍ୟ କରିବେ ବୋଲି ଜଣାଯାଇଛି ।