(ହାଇଦ୍ରାବାଦ) : ଫ୍ଲାଏ ଓଭର ଭୁଶୁଡି ୧୦ ଆହତ । ହାଇଦ୍ରାବାଦରୁ ଏଭଳି ଏକ ଦୁର୍ଘଟଣା ଦେଖିବାକୁ ମିଳିଛି । ଏଲ.ବି ନଗରରେ ଏକ ନିର୍ମାଣାଧୀନ ଫ୍ଲାଏ ଓଭର ହଠାତ୍ ଭୁଶୁଡି ପଡିଛି । ଫଲରେ ୧୦ ଜଣ ଶ୍ରମିକ ଗୁରୁତର ଆହତ ହୋଇଛନ୍ତି । ରାତି ପ୍ରାୟ 3 ଟା ବେଳେ ଏହି ଦୁଃଖଦ ଘଟଣା ଘଟିଛି । ଫ୍ଲାଏ ଓଭର ଭୁଶୁଡିବା ବେଳେ କିଛି ଲୋକ ଏହା ତଳେ ଶୋଇଥିଲେ ।
ସୂଚନାନୁଯାୟୀ , ସେମାନେ ବିହାର ଏବଂ ଉତ୍ତରପ୍ରଦେଶର ବାସିନ୍ଦା ବୋଲି ଚିହ୍ନଟ କରାଯାଇଛି । ଘଟଣାର ଖବର ଅଧିକାରୀଙ୍କ ନିକଟରେ ପହଞ୍ଚିବା ମାତ୍ରେ ଉଦ୍ଧାର ଅଧିକାରୀଙ୍କୁ ତୁରନ୍ତ ଘଟଣାସ୍ଥଳକୁ ପଠାଯାଇଥିଲା । ପୀଡିତମାନଙ୍କୁ ଉଦ୍ଧାର କରିବା ଏବଂ ଜରୁରୀକାଳୀନ ଚିକିତ୍ସା ପାଇଁ ନିକଟସ୍ଥ ଡାକ୍ତରଖାନାକୁ ସ୍ଥାନାନ୍ତର କରିବା ପାଇଁ ତୁରନ୍ତ କାର୍ଯ୍ୟ ଆରମ୍ଭ କରାଯାଇଥିଲା ।
