୧ ବର୍ଷ ହେବ ନାନା ଅତ୍ୟାଚାର ଭୋଗୁଛୁ: ଉନ୍ନାଉ ପୀଡିତାଙ୍କ ବାପା

(ମହାଭାରତ): ଉନ୍ନାଓ ଦୁଷ୍କର୍ମ ପୀଡିତାଙ୍କ ମୃତ୍ୟୁ ପରେ ଉତ୍ତର ପ୍ରଦେଶରେ ରାଜନୀତି ଜୋର ଧରିଛି । ପୀଡିତାର ପରିବାରକୁ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ଭେଟିଛନ୍ତି । ପ୍ରିୟଙ୍କାଙ୍କୁ ପୀଡିତାଙ୍କ ପରିବାର ଏକ ବର୍ଷ ଧରି ସେମାନଙ୍କ ପରିବାର ସହ ହୋଇଥିବା ଅତ୍ୟାଚାରକୁ ନେଇ ବଖାଣିଛନ୍ତି ।
ପ୍ରିୟଙ୍କାଙ୍କୁ ପୀଡିତାର ବାପା କହିଛନ୍ତି, ଏକ ବର୍ଷ ଧରି, ପରିବାର ଉପରେ ଅତ୍ୟାଚାର କରାଯାଉଛି । ପରିବାର ଲୋକଙ୍କୁ ଧମକ ଦିଆଯାଉଛି, ପରିବାରର ଝିଅମାନଙ୍କୁ ସ୍କୁଲ ନ ପଠାଇବାକୁ ଧମକ ଦିଆଯାଉଛି ।
ଏହି ପରିବାରକୁ ଭେଟିବା ପରେ ପ୍ରିୟଙ୍କା କହିଛନ୍ତି, ପୀଡିତା ପରିବାର ତାଙ୍କୁ ଜଣାଇଛନ୍ତି କି, ଅଭିଯୁକ୍ତମାନେ ଘରେ ପସି, ପୀଡିତାଙ୍କ ପିତାଙ୍କୁ ମାରିଥିଲେ । ବିଗତ ଏକ ବର୍ଷ ଧରି ଏହି ପରିବାର ଚିନ୍ତାଗ୍ରସ୍ତ ଅଛି । ପ୍ରିୟଙ୍କା ଆହୁରି କହିଥିଲେ, ମୁଁ ଆହୁରି ଶୁଣିଛି କି ଦୋଷୀମାନଙ୍କର ବିଜେପି ସହ ସମ୍ବନ୍ଧ ରହିଛି । ରାଜ୍ୟରେ ଅପରାଧୀଙ୍କୁ କୌଣସି ଡର ନାହିଁ । ବିଜେପି ସରକାରକୁ ଟାର୍ଗେଟ କରି ପ୍ରିୟଙ୍କା କହିଛନ୍ତି, ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ କହୁଛନ୍ତି, ରାଜ୍ୟରେ ଅପରାଧିଙ୍କ ପାଇଁ କୌଣସି ଜାଗା ନାହିଁ । କିନ୍ତୁ ମତେ ଲାଗାୁଛି, ଏଠାରେ ମହିଳାଙ୍କ ପାଇଁ କୌଣସି ଜାଗା ନ।।ହିଁ । ପ୍ରଶାସନକୁ କହିବାକୁ ହେବ ଏପରି କାହିଁକି ହେଉଛି ।