ଲାହୋରରେ ସିରିଜ ବିସ୍ଫୋରଣ: ୫ ମୃତ

ଇସଲାମାବାଦ: ପାକିସ୍ତାନରେ ଭୟଙ୍କର ବିସ୍ଫୋରଣ । ପାକିସ୍ତାନର ଲାହୋରରେ ଗୁରୁବାର ସିରିଜ ବିସ୍ଫୋରଣ ହୋଇଛି । ଲାହୋର ଗେଟ ନିକଟ ଅନାରକଲି ବଜାରରେ ଏହି ବିସ୍ଫୋରଣ ହୋଇଥିବା ବେଳେ ୫ ଜଣଙ୍କ ମୃତ୍ୟୁ ହୋଇଛି ଓ ୨୦ ଜଣ ଗୁରୁତର ଆହତ ହୋଇଛନ୍ତି ।
ବିସ୍ଫୋରଣରେ ଆଖପାଖ ଅଞ୍ଚଳ ଥରି ଉଠିଥିଲା । ସେଠାର ବହୁ ଦୋକାନ ଓ କୋଠା ଏଥିରେ କ୍ଷତିଗ୍ରସ୍ତ ହୋଇଛି । ସେଠାରେ ଠିଅ।।ହୋଇଥିବା ଯାନବାହନ ଭାଙ୍ଗୁରୁଜି ଯାଇଛି । ବିସ୍ଫୋରଣରେ ଆହତମାନଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ଉଦ୍ଧାରକାରୀ ଦଳ ପହଞ୍ଚି ଉଦ୍ଧାରକାର୍ଯ୍ୟ ଜାରି ରଖାଯାଇଛି । ତେବେ ବିସ୍ଫୋରଣ କେଉଁ ସଂଗଠନ କଣ ପାଇଁ କରିଛି ତାକୁ ନେଇ ତଦନ୍ତ ଚାଲିଛି ।