କୋରାପୁଟ ଜିଲ୍ଲାପାଳଙ୍କ ଜନଶୁଣାଣି

ମହାଭାରତ: କୋରାପୁଟ ଜିଲ୍ଲାର ସଦର ମହକୁମା ଠାରେ ଜିଲ୍ଲାପାଳ ମଧୁସୂଦନ ମିଶ୍ରଙ୍କର ଜନଶୁଣାଣି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ସମୁଦାୟ ୭୩ଟି ଅଭିଯୋଗର ଶୁଣାଣି ହୋଇଥିଲା । ବିଦ୍ୟୁତ, ପାନୀୟ ଜଳ ଯୋଗାଣ, ଗାଁକୁ ରାସ୍ତା, ପ୍ରଧାନମନ୍ତ୍ରୀ ଆବାସ ଯୋଜନା ସମ୍ପର୍କିତ ଅଭିଯୋଗଗୁଡିକର ଏଥିରେ ଶୁଣାଣି ହୋଇଥିଲା । ତେବେ ପୂର୍ବ ଶୁଣାଣିରେ ସମସ୍ୟାଗୁଡିକର ସମାଧାନ ହୋଇ ନ ଥିବାବେଳେ ପ୍ରଥମେ ଏଗୁଡିକ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଲୋକମାନେ ଜିଲ୍ଲାପାଳଙ୍କୁ ନିକଟରେ ଦାବିକ କରିଥିଲେ । ସେହିପରି କୋଡିକଗାଁ ଅଞ୍ଚଳରେ ନୂତନ ବିଦେଶୀ ମଦ ଦୋକାନ ନ ଖୋଲିବାକୁ ମହିଳାମାନେ ଲିଖିତ ଭାବେ ଜିଲ୍ଲାପାଳଙ୍କୁ ଜଣାଇଥିଲେ । ଏହି ଜନଶୁଣାଣି କାର୍ଯ୍ୟକ୍ରମରେ କୋରାପୁଟ ଜିଲ୍ଲା ଆରକ୍ଷୀ ଅଧୀକ୍ଷକ ମୁକେଶ କୁମାର ଭାନୁ, ପିଡିଦଆରଡିଏ ପ୍ରବୀର କୁମାର ନାଏକଙ୍କ ସମେତ ଜିଲ୍ଲା ପ୍ରଶାସନର ପ୍ରତ୍ୟେକ ବିଭାଗର ଅଧିକାରୀମାନେ ଉପସ୍ଥିତ ଥିଲେ ।