ବାଲୁକା କଳାରେ ବିଜୁବାବୁଙ୍କୁ ‘ଭାରତ ରତ୍ନ’ ଦେବାକୁ ନିବେଦନ

(ମହାଭାରତ, ପୁରୀ): ମାର୍ଚ୍ଚ ୫ ତାରିଖରେ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଜୟନ୍ତୀ ପାଳିତ ହୋଇଛି । ଏହି ଦିନକୁ ଚିରଦିନ ପାଇଁ ସ୍ମରଣୀୟ କରିବାକୁ ଅନ୍ତର୍ଜାତୀୟ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ନିଜର ବାଲୁକା କଳା ମାଧ୍ୟମରେ କେନ୍ଦ୍ର ସରକାରଙ୍କୁ ବାର୍ତ୍ତା ଦେଇଛନ୍ତି । ପୁରୀ ବେଳାଭୂମୀରେ ବିଜୁବାବୁଙ୍କ ଏକ ବିଶାଳ ପ୍ରତିମୂର୍ତ୍ତିକୁ ବାଲୁକାରେ ତୋଳି ତାଙ୍କ ପ୍ରତି ଓଡ଼ିଶାବାସୀଙ୍କ ତରଫରୁ ଶ୍ରଦ୍ଧାଞ୍ଜଳି ଜଣାଇଛନ୍ତି । ଏହି ପ୍ରବାଦ ପୁରୁଷ କେବଳ ରାଜ୍ୟରେ ନୁହେଁ ଦେଶର ବିକାଶ ପାଇଁ ମଧ୍ୟ କାର୍ଯ୍ୟ କରିଛନ୍ତି । ଏଣୁ ତାଙ୍କର ସ୍ଥାନ ଭାରତର ଇତିହାସରେ ସ୍ୱତନ୍ତ୍ର । ଏଥିପାଇଁ ତାଙ୍କୁ ଦେଶର ସର୍ବୋଚ୍ଚ ସମ୍ନାନ ‘ଭାରତ ରତ୍ନ’ରେ ସମ୍ମାନିତ କରିବାକୁ ବାଲୁକା ଶିଳ୍ଫୀ କେନ୍ଦ୍ର ସରକାରଙ୍କୁ ନିବେଦନ କରିଛନ୍ତି ।