କୋଣାର୍କ ସୂତାକଳ ପୁନଃ କାର୍ଯ୍ୟକ୍ଷମ ପାଇଁ ଦାବି

(ମହାଭାରତ/କେସିଙ୍ଗା): କଳାହାଣ୍ଡି ଜିଲ୍ଲା କେସିଙ୍ଗା ଠାରେ ୧୯୯୦ ମସିହାରେ ଆରମ୍ଭ ହୋଇଥିବା କୋଣାର୍କ ସୂତାକଳ ଏବେ ବନ୍ଦ ପଡସ ରହିଛି । ୫୦ ଏକର ଜମିରେ ନିର୍ମିତ ଏହି ସୂତାକଳ ଏବେ ଭୁତକୋଠି ପାଲଟିଛି । କେସିଙ୍ଗା ଅଞ୍ଚଳରେ କପା ଚାଷ ବହୁଳ ମାତ୍ରାରେ ହେଉଥିବା ବେଳେ ଏହି ସୂତାକଳ ପୁନଃ କାର୍ଯ୍ୟକ୍ଷମ ହୋଇପାରିଲେ ସ୍ଥାନୀୟ କପା ଚାଷୀମାନେ ଉପକୃତ ହୋଇପାରିବେ । ଏହାଛଡା ଏଠାରୁ ବାହାର ରାଜ୍ୟକୁ କାମ ପାଇଁ ଯାଉଥିବା ଲୋକେ ନିଜ ଜିଲ୍ଲାରେ କାମ ପାଇପାରିବେ । ଫଳରେ ଏଠାରେ ବେରୋଜଗାରୀ ସମସ୍ୟା ହ୍ରାସ ପାଇବ । ରାଜ୍ୟ ସରକାର ଚାହିଁଲେ କୋଣାର୍କ ସୂତାକଳ ପୁଣି ଥରେ କାର୍ଯ୍ୟକ୍ଷମ ହୋଇ ପାରିବ । ଏଣୁ ଏଥିପ୍ରତି ସ୍ଥାନୀୟ ବିଧାୟକ ଦୃଷ୍ଟି ଦେବା ପାଇଁ ଜିଲ୍ଲାବାସୀ ଦାବି କରିଛନ୍ତି ।