ନୂଆଦିଲ୍ଲୀ: ଭାରତରେ ଗତ ୨୪ ଘଣ୍ଟାରେ ରେକର୍ଡ ସଂଖ୍ୟକ ୨୭ ହଜାର ୧୧୪ ନୂଆ ରୋଗୀ ଚିହ୍ନଟ ହେବା ପରେ ୧୧ ଜୁଲାଇ ସୁଦ୍ଧା ଦେଶରେ ଆକ୍ରାନ୍ତଙ୍କ ସଂଖ୍ୟା ୮ ଲକ୍ଷ ୨୦ ହଜାର ୯୧୬ ହୋଇଛି । ସେହିପରି ଏହି ସମୟ ମଧ୍ୟରେ ଦେଶରେ ମୃତକଙ୍କ ସଂଖ୍ୟ।। ୫୧୯ ହୋଇଛି, ଯାହା ମୋଟ ମୃତ୍ୟୁ ସଂଖ୍ୟାକୁ ୨୨ ହଜାର ୧୨୩କୁ ବୃଦ୍ଧି କରିଛି। ଦେଶରେ ବର୍ତ୍ତମାନ ମୋଟ ୮ ଲକ୍ଷ ୨୦ ହଜାର ୯୧୬ ଆକ୍ରାନ୍ତଙ୍କ ମଧ୍ୟରୁ ୨ ଲକ୍ଷ ୮୩ ହଜାର ୪୦୭ ସକ୍ରିୟ ରୋଗୀ ଓ ୫ ଲକ୍ଷ ୧୫ ହଜାର ୩୮୬ ସୁସ୍ଥ ହୋଇଥିବା କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି।
ଦେଶରେ ସର୍ବାଧିକ କରୋନା ଆକ୍ରାନ୍ତ ମହାରାଷ୍ଟ୍ରରେ ରହିଛନ୍ତି। ଏଠାରେ ଆକ୍ରାନ୍ତଙ୍କ ସଂଖ୍ୟା ୨ ଲକ୍ଷ ୩୮ ହଜାର ୪୬୧ରେ ପହଞ୍ଚିଛି। ସେହିପରି ମୃତ୍ୟୁ ସଂଖ୍ୟା ୯୮୯୩କୁ ବଢ଼ିଛି। ଦିଲ୍ଲୀରେ ୧ ଲକ୍ଷ ୯ ହଜାର ୧୪୦ ଜଣ କରୋନାରେ ଆକ୍ରାନ୍ତ ହୋଇଥିବାବେଳେ ୩୩୦୦ ଜଣ ପ୍ରାଣ ହରାଇଛନ୍ତି। ତାମିଲନାଡୁରେ ୧ ଲକ୍ଷ ୩୦ ହଜାର ୨୬୧ କରୋନା ସଂକ୍ରମିତ ଏବଂ ୧୮୨୯ ରୋଗୀଙ୍କ ମୃତ୍ୟୁ ଘଟିଛି। ଗୁଜରାଟରେ ସଂକ୍ରମିତ ସଂଖ୍ୟା ୪୦ ହଜାର ୧୫୫କୁ ବୃଦ୍ଧି, ୨୦୨୩ ଜଣଙ୍କ ମୃତ୍ୟୁ ହୋଇଛି। ଏହାବ୍ୟତୀତ ଉତ୍ତରପ୍ରଦେଶରେ ୩୩ ହଜାର ୭୦୦ ସଂକ୍ରମିତ ଓ ୮୮୯ ମୃତ, କର୍ଣ୍ଣାଟକରେ ୩୩ ହଜାର ୪୪୮ ଆକ୍ରାନ୍ତ ଓ ୫୪୫ ମୃତ, ପଶ୍ଚିମବଙ୍ଗରେ ୨୭ ହଜାର ୧୦୯ ଆକ୍ରାନ୍ତ ଓ ୮୮୦ ମୃତ, ହରିୟାଣାରେ ୧୯ ହଜାର ୯୩୪ ଆକ୍ରାନ୍ତ ଏବଂ ୨୯୦ ମୃତ, ଆନ୍ଧ୍ରପ୍ରଦେଶରେ ୨୫ ହଜାର ୪୨୨ ଆକ୍ରାନ୍ତ ଏବଂ ୨୯୨ ମୃତ, ତେଲେଙ୍ଗାନାରେ ୩୨ ହଜାର ୨୨୪ ସଂକ୍ରମିତ ଓ ୩୩୯ ମୃତ, ରାଜସ୍ଥାନରେ ୨୩ ହଜାର ୧୭୪ ଆକ୍ରାନ୍ତ ଓ ୪୯୭ ମୃତ, ଜାମ୍ମୁ-କାଶ୍ମୀରରେ ୯୮୮୮ ସଂକ୍ରମିତ ଓ ୧୫୯ ମୃତ, ମଧ୍ୟପ୍ରଦେଶରେ ୧୬ ହଜାର ୬୫୭ ସଂକ୍ରମିତ ଓ ୬୩୮ ମୃତ, ବିହାରରେ ୧୪ ହଜାର ୩୩୦ ଆକ୍ରାନ୍ତ ଓ ୧୧୧ ମୃତ, ଆସାମରେ ୧୫ ହଜାର ୫୩୭ ଆକ୍ରାନ୍ତ ଓ ୩୫ ଜଣଙ୍କ ମୃତ୍ୟୁ ଘଟିଥିବା ସୂଚନା ମିଳିଛି।
ଗୋଟିଏ ଦିନରେ ଦେଶରେ କରୋନା ମୃତ୍ୟୁ ସଂଖ୍ୟା ୫୧୯
