ଭୁବନେଶ୍ବର: ଆଜି ରାଜ୍ୟରେ କରୋନାରେ ଆଉ ୧୦ଜଣଙ୍କର ମୃତ୍ୟୁ ଘଟିଛି । ଫଳରେ ରାଜ୍ୟରେ କରୋନାଜନିତ ମୃତ୍ୟୁ ସଂଖ୍ୟା ୨୦୭ରେ ପହଞ୍ଚିଛି। ଏନେଇ ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି। ଆଜି ଗଞ୍ଜାମ ଓ ରାୟଗଡ଼ା ଜିଲ୍ଲାରେ କରୋନାରେ ୩ ଜଣ ଲେଖାଏଁ ମୃତ୍ୟୁବରଣ କରିଥିବା ବେଳେ ଗଜପତିରେ ୨, ଖୋର୍ଦ୍ଧା ଓ କଳାହାଣ୍ଡିରେ ଜଣେ ଲେଖାଏଁ ଆକ୍ରାନ୍ତଙ୍କର ମୃତ୍ୟୁ ଘଟିଛି। ଆଜିର ମୃତ୍ୟୁକୁ ମିଶାଇ ଗଞ୍ଜାମରେ ମୃତ୍ୟୁ ସଂଖ୍ୟା ୧୦୬ ଓ ଖୋର୍ଦ୍ଧାରେ ୨୯, ଗଜପତିରେ ୧୩, ରାୟଗଡ଼ାରେ ୧୦ ଓ କଳାହାଣ୍ଡିରେ ୨ରେ ପହଞ୍ଚିଛି ମୃତ୍ୟୁସଂଖ୍ୟ।। ।
ଗଞ୍ଜାମ ଜିଲ୍ଲାର ତିନି ଜଣ ମୃତକଙ୍କ ମଧ୍ୟରେ ଦୁଇ ପୁରୁଷଙ୍କର କ୍ରମାଗତଭାବେ ୪୮ ଓ ୫୪ ବର୍ଷ ଏବଂ ଜଣେ ମହିଳାଙ୍କ ବୟସ ୫୪ ବର୍ଷ ହୋଇଥିବା ବେଳେ
ରାୟଗଡ଼ା ଜିଲ୍ଲାର ୩ କୋଭିଡ୍ ପଜିଟିଭ୍ ରୋଗୀଙ୍କ ମୃତ୍ୟୁ ହୋଇଛି, ସେମାନଙ୍କ ବୟସ ଯଥାକ୍ରମେ ୬୧, ୬୪ ଓ ୭୦ ବର୍ଷ। ଖୋର୍ଦ୍ଧା ଜିଲ୍ଲାର ମୃତକ ପୁରୁଷଙ୍କ ବୟସ ହେଲା ୬୩ ବର୍ଷ। କଳାହାଣ୍ଡି ଜିଲ୍ଲାର ଜଣେ ୬୬ ବର୍ଷ ବୟସ୍କ ପୁରୁଷଙ୍କର କରୋନାରେ ମୃତ୍ୟୁ ଘଟିଛି , ଯିଏ କି ମଧୁମେହ ଓ ଉଚ୍ଚ ରକ୍ତଚାପରେ ପୀଡ଼ିତ ଥିଲେ। ଗଜପତି ଜିଲ୍ଲାର ଯେଉଁ ଦୁଇ କୋଭିଡ୍ ପଜିଟିଭ୍ ରୋଗୀଙ୍କ ମୃତ୍ୟୁ ହୋଇଛି, ସେମାନଙ୍କ ବୟସ ଯଥାକ୍ରମେ ୩୪ ଓ ୪୮ ବର୍ଷ।
ଏବେ ରାଜ୍ୟରେ ମୋଟ୍ ୨୧,୯୫୪ଜଣ ସୁସ୍ଥ ହୋଇ ଘରକୁ ଫେରିଥିବା ବେଳେ ସକ୍ରିୟ କରୋନା ସଂକ୍ରମିତଙ୍କ ସଂଖ୍ୟା ୧୪,୦୯୫ ରହିଛି।
